Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Autoritad per la protecziun d'uffants e da creschids APUC è qua per persunas en miseria. Tgi che dovra agid e sustegn, po sa fidar da la APUC. Tar nus n'è betg in di sco l'auter. En il team interdisciplinar concepin nus activamain in avegnir segir per persunas creschidas, famiglias, uffants e giuvenils cun basegn da protecziun.
Nus tschertgain per il 1. d'october 2025 u tenor cunvegna ina collavuratura u in collavuratur per il servetsch da scleriment da la APUC Grischun, filiala Surselva.
Voss champ d'incumbensas
- Cun gronda independenza ed autonomia e cun il sustegn dal team che ha blera savida specifica, èsi da far analisas dals cas e da formular las recumandaziuns correspundentas a l'autoritad
- Entrar en contact e manar discurs cun persunas directamain pertutgadas e confamigliars, savens directamain en lur spazi da viver
- Adattar situativamain ils singuls pass dal scleriment, resguardond las basas giuridicas ed en cunvegnientscha cun la direcziun da la procedura
- Dumandar las infurmaziuns relevantas tar las persunas spezialisadas, las instituziuns ed ils uffizis involvids
- Sclerir purschidas da sustegn subsidiaras e cumplementaras
- Far intervenziuns adattadas en cas da crisa
Quai che nus giavischain da Vus
- Diplom en lavur sociala, pedagogia, psicologia, tgira u ina scolaziun equivalenta
- Experientscha en ils secturs spezials da la protecziun d'uffants e da creschids u la prontezza da sa perfecziunar correspundentamain
- Grondas cumpetenzas communicativas e socialas
- Empatia envers persunas en situaziuns da vita difficilas
- Abilitad da vesair situaziuns socialas cumplexas e da proponer intervenziuns pussaivlas
- Fidadadad, abilitad da supportar squitsch e senn da responsabladad
- Ina persunalitad cun in pensar independent e cumplessiv
- Flexibilitad cun ina ferma orientaziun als servetschs ed abilitad da lavurar en in team en il context interdisciplinar
- Fitg bunas enconuschientschas dal tudestg a bucca ed en scrit; enconuschientschas dal rumantsch e dal talian èn d'avantatg
- Bunas abilitads da s'exprimer linguisticamain sco er bunas enconuschientschas en l'applicaziun dals programs da Microsoft Office
- Permiss da manischar da la categoria B
Nus ans legrain da Vossa annunzia online e da far Vossa enconuschientscha.