Spezialista u spezialist per il mantegniment dal manaschi AFQ (servetsch tecnic) Scuol

Tiefbauamt Graubünden, Bezirk 4 Scuol | 100% | Scuol

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.

Champ d'incumbensas

Durant tes emprendissadi lavuras ti en in dals set districts da l'Uffizi da construcziun bassa dal Grischun.

Sco spezialista u spezialist per il mantegniment dal manaschi es ti ina generalista absoluta u in generalist absolut. Ti surveglias la tecnica da chasa, fas reparaturas, tgiras las surfatschas verdas, mantegnas maschinas. Tias incumbensas èn tranter auter il mantegniment architectonic, la reparatura da donns dals stabiliments al liber, la tgira da sendas e da vias, il servetsch d'enviern e la reparatura da donns da la cuvrida. La basa per la scolaziun manaschiala è – ultra da la promoziun da la part professiunala – il svilup da la cumpetenza metodica, sociala e persunala. Quai vul dir che ti t'acquistas durant tia scolaziun la savida e las enconuschientschas professiunalas da giudim ensi e che ti has las abilitads da dumagnar las pretensiuns en il sectur interuman e professiunal.

Voss champ d'incumbensas

  • Inschign manual
  • Chapientscha tecnica pratica
  • Fidadadad
  • Abilitad da supportar squitsch corporal
  • Abilitad da lavurar en in team

Quai che nus giavischain da Vus

  • Scola populara terminada

What we offer our apprentice

Models dal temp da lavur flexibels
Occurrenzas e curs interns
Purschidas da sport attractivas
Participaziun finanziala al material, a diploms ed a segiurns linguistics
13. salari mensil + premia da success per la procedura da qualificaziun (PQ)
Pussaivladad da gidar a concepir il futur dal chantun

Lieu da lavur

Uffizi da construcziun bassa dal Grischun, District 4 Scuol

7550 Scuol

Betg ponderescha ditg, mabain t'annunzia anc oz tar nus. Infurmaziuns detagliadas davart las singulas professiuns chattas ti sut: www.lehre.gr.ch. Sche ti has anc dumondas u vuls savair dapli davart la professiun giavischada, lura dà simplamain in telefon.

 

Nus ans legrain da tia annunzia cun il curs da la vita e cun ina fotografia sco er cun ils quatter ultims attestats da scola. Ta preschenta en ina curta brev e mussa a nus tias fermezzas che ti vuls far valair tar nus ils proxims onns.

 

Uffizi da construcziun bassa, Andri Vonlanthen, telefon 081 257 69 60


In emprendissadi tar il chantun... Bun per las emprendistas ed ils emprendists – bun per il Grischun!