Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da construcziun bassa è cumpetent per la projectaziun, per la construcziun, per il mantegniment e per la gestiun da las vias chantunalas sco er per la correcziun dals curs d'aua e per il traffic betg motorisà en il Grischun. Plinavant ans occupain nus dal mantegniment funcziunal da las vias naziunalas sin il territori chantunal. L'infrastructura da las vias chantunalas cumpiglia passa 1450 construcziuns artifizialas, tranter auter punts d'ina autezza considerabla da fin 90 meters e tunnels d'ina lunghezza da fin 3 kilometers. Las sfidas da la natira che resultan la stad e l'enviern en noss chantun da muntogna, rendan nossa lavur pretensiusa e multifara. Sco uffizi certifitgà cun «Friendly Work Space» ans stattan la sanadad e la cuntentientscha da nossas var 480 collavuraturas e collavuraturs tut spezialmain a cor. Per quest motiv ans engaschain nus per in management da sanadad sistematic en il manaschi (MSM).
Per il 1. da november 2025 u tenor cunvegna tschertgain nus ina manadra u in manader da projects per il management dal traffic en la secziun Servetsch tecnic.
Voss champ d'incumbensas
- Cunconcepir il management dal traffic en il chantun Grischun, en collavuraziun cun ils uffizis pertutgads da las vischnancas, dal chantun e da la Confederaziun
- Sviluppar, realisar ed accumpagnar en moda independenta e sin basa da datas mesiras a curta ed a lunga vista per evitar il traffic da guntgida e colonnas
- Sustegnair professiunalmain projects strategics da signalisaziun e mesiras per diriger il traffic durant occurrenzas grondas
- Sviluppar vinavant e realisar la strategia da dumbrar il traffic
- Survegliar e garantir ils termins, l'observaziun da las prescripziuns da qualitad, ils custs sco er l'adempliment da las incumbensas tras terzas persunas
- Far il controlling e monitoring da las mesiras realisadas sco er scriver rapports
Quai che nus giavischain da Vus
- Diplom d'ina scola auta u d'ina scola auta spezialisada en il sectur da l'inschigneria da traffic u da construcziun, da la planisaziun dal territori ubain scolaziun cumparegliabla
- Experientscha pratica en differents secturs specifics (planisaziun da traffic, da territori, da construcziun)
- Cumpetenza sociala sco er forza da persvader e dun da contractar
- Abilitads analiticas, concepziunalas ed organisatoricas
- Cumpetenzas communicativas e plaschair vi dal dialog cun differentas gruppas d'interess
- Enconuschientschas dal talian e/u dal rumantsch èn giavischadas
Nus ans legrain da Vossa annunzia online e da far Vossa enconuschientscha.