Ensemen per il Grischun
L'unic chantun triling da la Svizra è in chantun multifar tant en quai che reguarda l'economia sco er la cultura e la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribui Vossas abilitads singularas e concepi ensemen cun nus l'avegnir dal traffic public.
L'Uffizi d'energia e da traffic è il center da cumpetenza chantunal per dumondas en ils secturs da l'energia e dal traffic public. En il sectur dal traffic public essan nus cumpetents per la planisaziun strategica e per la coordinaziun vicendaivla da tut il traffic public en il chantun Grischun. Nus coordinain il traffic public da la viafier e dal bus ed essan cumpetents per la planisaziun, per la projectaziun e per la realisaziun da projects a favur d'in traffic public prospectiv. Bunas colliaziuns cun la rait da viafier naziunala ed internaziunala sco er colliaziuns regularas e frequentas en il traffic regiunal e d'aglomeraziun èn d'impurtanza centrala per mantegnair e per sviluppar vinavant il Grischun sco spazi da viver, sco spazi turistic e sco spazi economic.
Per l'Uffizi d'energia e da traffic tschertgain nus per il 1. da november 2025 u tenor cunvegna ina manadra u in manader Traffic public.
Voss champ d'incumbensas
- Manar la partiziun Traffic public en reguard professiunal ed administrativ
- Responsabladad per realisar la procedura d'urari e la procedura d'empustaziun en il chantun Grischun
- Exequir la Lescha davart il traffic public en il sectur concepziunal, professiunal ed administrativ
- Cooperar a proceduras d'approvaziun dals plans tenor la legislaziun da viafier
- Realisar las finamiras da la Regenza, dal Departament d'infrastructura, energia e mobilitad e da l'Uffizi d'energia e da traffic en il sectur dal traffic public
- Liquidar incumbensas da coordinaziun ed accumpagnar professiunalmain projects en il sectur dal traffic public
- Distgargiar en moda efficazia il manader da l'uffizi en il rom dal champ da cumpetenza specific cun preparar resp. proponer soluziuns adequatas
- Post da coordinaziun e da contact per la Confederaziun, ils chantuns, las vischnancas, ils pajais vischins, las gruppas regiunalas da planisaziun e las interpresas da transport
Quai che nus giavischain da Vus
- In studi da scola auta terminà en direcziun d'economia da manaschi e/u da planisaziun dal traffic, cun experientscha professiunala en il sectur dal traffic public
- Interess per collavuraziun interdisciplinara, dun da contractar ed in bun dun per ir enturn cun autoritads, federaziuns ed interpresas da transport
- Experientscha cumprovada en il management da projects
- Cumpetenzas concepziunalas e metodicas
- Fitg bunas enconuschientschas dal tudestg
- Bunas enconuschientschas dal talian èn d'avantatg
Nus ans legrain da Vossa annunzia online e da far Vossa enconuschientscha.