Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da chatscha e pestga è cumpetent per las populaziuns da selvaschina e da peschs sco er per lur spazis da viver en il chantun Grischun. Bleras spezias sco la giaglina selvadia, la giaglina da draussa, la pernisch da gonda, il cot da matg ed il rivaun cumin han territoris da derasaziun principals en il Grischun. Ils ultims onns èn animals da rapina gronds sco il luf ed il luf-tscherver u temporarmain er l'urs, puspè immigrads en il Grischun.
Sco scheffa districtuala u schef districtual da la surveglianza da chatscha avais Vus la responsabladad per manar il district da chatscha 2 (Glogn). En Vossa funcziun essas Vus la persuna da contact tar la centrala da l'uffizi sco er tar las autoritads ed organisaziuns da la regiun. Ensemen cun sis collavuraturas e collavuraturs avais Vus la responsabladad per il management dals animals selvadis en il district da chatscha. En quest connex survegliais Vus las populaziuns da selvaschina e lur influenza sin il spazi da viver sco er la protecziun dals spazis da viver. Vus sustegnais il survegliader da pestga en il sectur da la pestga e da las auas. Ensemen cun Vossas collavuraturas e Voss collavuraturs garantis Vus la surveglianza da chatscha e da pestga en il district da chatscha e da pestga. Voss circul da surveglianza sa chatta al nord dal Rain Anteriur en las vischnancas da Breil e Glion.
Voss champ d'incumbensas
- Survegliar las populaziuns da selvaschina e da peschs sco er lur spazis da viver en ils territoris communals da Breil e Glion
- Manar en reguard persunal e professiunal las sis collavuraturas e collavuraturs dal district da chatscha 2
- Liquidar lavurs administrativas en il district
- Far il monitoring da las differentas spezias d'animals selvadis
Quai che nus giavischain da Vus
- Emprendissadi terminà
- Persuna corporalmain fitta
- Experientschas praticas d'ir a chatscha ed a pestga en il chantun Grischun
- Enconuschientschas da las spezias indigenas d'animals selvadis e da peschs sco er da lur spazis da viver
- Cumpetenza da manar glieud e cumpetenza sociala
- Abilitads da sajettar
- Moda da lavurar independenta e cun senn da responsabladad
- Bunas abilitads communicativas
- Prontezza da far servetsch da pichet
- Permiss da manischar da la categoria B
- Cumplenì 20 onns
- Discurrer e scriver currentamain tudestg
- Bunas enconuschientschas en l'applicaziun dal computer
Nus ans legrain da Vossa annunzia online e da far Vossa enconuschientscha.