Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da construcziun bassa è cumpetent per la projectaziun, per la construcziun, per il mantegniment e per la gestiun da las vias chantunalas sco er per la correcziun dals curs d'aua e per il traffic betg motorisà en il Grischun. Plinavant ans occupain nus dal mantegniment funcziunal da las vias naziunalas sin il territori chantunal. L'infrastructura da las vias chantunalas cumpiglia passa 1450 construcziuns artifizialas, tranter auter punts d'ina autezza considerabla da fin 90 meters e tunnels d'ina lunghezza da fin 3 kilometers. Las sfidas da la natira che resultan la stad e l'enviern en noss chantun da muntogna, rendan nossa lavur pretensiusa e multifara. Sco uffizi certifitgà cun «Friendly Work Space» ans stattan la sanadad e la cuntentientscha da nossas var 480 collavuraturas e collavuraturs tut spezialmain a cor. Per quest motiv ans engaschain nus per in management da sanadad sistematic en il manaschi (MSM).
Per la secziun Informatica tschertgain nus per il 1. d'october 2025 u tenor cunvegna ina spezialista u in spezialist da sistems ERP per Microsoft Navision (NAV)
Voss champ d'incumbensas
- Garantir il funcziunament e l'ulteriur svilup dal sistem ERP «Microsoft Navision» (NAV) da l'Uffizi da construcziun bassa
- Responsabladad per las applicaziuns dal sistem general NAV
- Responsabladad per il modul NAV «Registraziun dal temp e da las prestaziuns»
- Registrar ed administrar datas da basa
- Manar en moda independenta projects (sistem general e moduls)
- Persuna da contact per las persunas ch'èn responsablas per ils singuls moduls NAV
- Utilisar ed administrar Jet Reports
- Garantir l'observaziun da prescripziuns da segirezza e da qualitad surordinadas
- Sustegnair il support dad IT
Quai che nus giavischain da Vus
- Scolaziun sco informaticra u informaticher d'economia SAS u qualificaziun equivalenta
- Furmaziun supplementara en management da projects (p.ex. IPMA, Hermes)
- Plirs onns experientscha professiunala en il champ specific ed en il champ d'incumbensas, da preferenza en il sectur da servetschs u en l'administraziun publica
- In pensar ecologic, economic, analitic e cumplessiv
- Bun dun receptiv, moda da lavurar independenta ed exacta
- Confidenzialitad e senn da responsabladad
- Cumportament orientà fermamain als basegns da la clientella
- Atgna iniziativa, abilitad da lavurar en in team e dun da communitgar
- Enconuschientschas dal talian e/u dal rumantsch èn giavischadas
Nus ans legrain da Vossa annunzia online e da far Vossa enconuschientscha.