Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da construcziun bassa è cumpetent per la projectaziun, per la construcziun, per il mantegniment e per la gestiun da las vias chantunalas sco er per la correcziun dals curs d'aua e per il traffic betg motorisà en il Grischun. Plinavant ans occupain nus dal mantegniment funcziunal da las vias naziunalas sin il territori chantunal. L'infrastructura da las vias chantunalas cumpiglia passa 1450 construcziuns artifizialas, tranter auter punts d'ina autezza considerabla da fin 90 meters e tunnels d'ina lunghezza da fin 3 kilometers. Las sfidas da la natira che resultan la stad e l'enviern en noss chantun da muntogna, rendan nossa lavur pretensiusa e multifara. Sco uffizi certifitgà cun «Friendly Work Space» ans stattan la sanadad e la cuntentientscha da nossas var 480 collavuraturas e collavuraturs tut spezialmain a cor. Per quest motiv ans engaschain nus per in management da sanadad sistematic en il manaschi (MSM).
Per il 1. da settember 2025 u tenor cunvegna tschertgain nus ina persunalitad engaschada che rinforza noss team en il stab da l'inschigner chantunal.
Voss champ d'incumbensas
- Liquidar lavurs administrativas ed organisatoricas da l'inschigner chantunal
- Elavurar en moda independenta brevs ed e-mails tenor dictat u tenor chavazzins
- Manar ina collavuratura u in collavuratur
- Planisar e protocollar las sesidas da la direcziun ed ulteriuras sedutas
- Far evaluaziuns e preschentaziuns
- Organisar occurrenzas
Quai che nus giavischain da Vus
- Emprendissadi commerzial terminà u qualificaziun equivalenta
- Experientscha professiunala e da direcziun en ina funcziun sumeglianta
- Abilitads da communitgar excellentas a bucca ed en scrit en tudestg ed en il cas ideal en talian e/u en rumantsch
- Ferma orientaziun als servetschs, discreziun ed independenza
- Moda da lavurar exacta e fidada
- Bunas enconuschientschas en l'applicaziun dal computer (Microsoft Office)
Nus ans legrain da Vossa annunzia online e da far Vossa enconuschientscha.