Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da migraziun e da dretg civil ha actualmain passa 230 collavuraturas e collavuraturs en pli che 20 lieus ed è cumpetent per tut las incumbensas dal sectur da migraziun, q.v.d. en spezial per la concessiun e la retratga da permissiuns, per la collocaziun e l'assistenza, per l'execuziun d'expulsiuns sco er per l'integraziun. Plinavant vegnan emess documents d'identitad per burgaisas e burgais svizzers, realisadas natiralisaziuns ed exequida la surveglianza da las autoritads da stadi civil. La sedia principala da l'Uffizi da migraziun e da dretg civil è a Cuira.
Per l'Uffizi da migraziun e da dretg civil, Post spezialisà per l'integraziun, tschertgain nus per il 1. da schaner 2026 u tenor cunvegna in jobcoach (m/f/d) per fugitivas e fugitivs da l'Ucraina.
Voss champ d'incumbensas
- Tar il Post spezialisà per l'integraziun sustegnais Vus fugitivas e fugitivs da l'Ucraina en lur stentas da chattar in'emprima plazza da lavur en il chantun Grischun
- En il rom da coachings individuals registrais Vus las cumpetenzas, ils potenzials e las resursas da las clientas e dals clients
- Vus sustegnais activamain l'elavuraziun dals documents d'annunzia e la tschertga d'ina plazza
- Vus cussegliais las clientas ed ils clients areguard las pretensiuns dal martgà da lavur svizzer e purschais al cumenzament agid en connex cun las sfidas ch'èn colliadas cun il pass en il mund da lavur
- Sco persuna da contact As engaschais Vus per ina buna collavuraziun cun tut ils posts relevants per l'integraziun professiunala en il chantun sco er cun patrunas e patruns
Quai che nus giavischain da Vus
- Vus avais terminà ina scolaziun secundara resp. terziara ed avais experientschas professiunalas correspundentas sco er enconuschientschas praticas en il rom da l'intermediaziun professiunala e dal coaching
- Vus enconuschais il sistem svizzer da la furmaziun professiunala ed il martgà da lavur local
- Vus essas al current davart temas d'integraziun e da migraziun – da preferenza en il sectur d'asil e da fugitivs – ed avais experientscha en la collavuraziun interdisciplinara
- Vus essas ina persunalitad engaschada che lavura en moda conscienziusa ed orientada a soluziuns
- Vus lavurais gugent cun persunas da differenta derivanza, avais plaschair da contacts ed essas ina persunalitad communicativa
- Enconuschientschas dals fatgs dal chantun, interess per dumondas da la politica sociala e bunas cumpetenzas en l'applicaziun dal computer
Nus ans legrain da Vossa annunzia online e da far Vossa enconuschientscha.