Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per il 1. da december 2025 u tenor cunvegna tschertgain nus ina intermediatura u in intermediatur d'art per il Museum d'art dal Grischun tar l'Uffizi da cultura, per ina durada limitada da 10 mais.
Voss champ d'incumbensas
- Ensemen cun Vossa collega avais Vus la responsabladad per elavurar, planisar e realisar programs d'intermediaziun d'art per classas da scola
- Vus elavurais e manais il program da temp liber per uffants, giuvenils e famiglias
- Vus essas responsabla u responsabel per la communicaziun analoga e digitala da l'intermediaziun d'art
- Vossa lavur cumpiglia er incumbensas administrativas da l'intermediaziun d'art
Quai che nus giavischain da Vus
- Vus avais terminà in studi en Art Education u ad ina scola auta da pedagogia
- Vus avais fatg ina furmaziun supplementara en intermediaziun d'art ed avais experientscha professiunala sco intermediatura u intermediatur d'art
- Vus avais bunas enconuschientschas da l'istorgia d'art svizra
- Il contact cun differentas persunas e gruppas en mira n'è nagin problem per Vus ed As fa plaschair
- Ina demananza averta, communicativa ed amicabla fa part da Vossas fermezzas, gist uschia sco ina independenza extraordinaria, fitg bunas cumpetenzas socialas, creativitad e flexibilitad
- Enconuschientschas d'ina segunda lingua chantunala cumpletteschan Voss profil
Nus ans legrain da Vossa annunzia online e da far Vossa enconuschientscha.