Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
La Procura publica cun sias 68 collavuraturas e collavuraturs è in organ independent da la giurisdicziun penala, e quai tant funcziunalmain sco er materialmain. Ella fa inquisiziuns penalas cunter persunas creschidas e cunter giuvenils en cas da crims, da delicts e da surpassaments, ed ella sto exequir il dretg dal stadi da chastiar. La sedia principala da la Procura publica è a Cuira. Ella dispona d'agenturas a Tavau, Glion, Roveredo, Samedan e Tusaun.
Per la Procura publica tschertgain nus per il 1. d'october 2025 u tenor cunvegna 1 fin 2 referendarias u referendaris.
Voss champ d'incumbensas
- Manar la registratura da las fatschentas, tranter auter en chaussas da traffic e da chatscha, ed elavurar las datas da persunas cun agid da nossa controlla electronica da las fatschentas
- Liquidar la correspundenza
- Dar scleriments en fatgs administrativs
- Participar a l'elavuraziun ed a la liquidaziun da tut las incumbensas che resultan en la chanzlia
- Participar a la garanzia dal servetsch da spurtegl, da recepziun e da telefon
- Collavurar tar il manaschi d'informatica dal post da servetsch
- Far substituziuns
Quai che nus giavischain da Vus
- Scolaziun commerziala da basa terminada ed experientscha professiunala
- Ina conduita irreproschabla
- Independenza, fidadadad e speditivadad, discreziun, flexibilitad sco er abilitad da lavurar en in team ed ina gronda abilitad da supportar squitsch
- Buna expressiun linguistica (en scrit sco er a bucca) en tudestg e da preferenza supplementarmain er en talian e/u rumantsch
- Fitg grond interess per IT, per tools digitals e per tecnologias digitalas («flair per IT»), utilisaziun segira dals meds d'informatica usitads
- Enconuschientschas d'ulteriuras linguas
Nus ans legrain da Vossa annunzia online e da far Vossa enconuschientscha.