Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Autoritad per la protecziun d'uffants e da creschids APUC è qua per persunas en miseria. Tgi che dovra agid e sustegn, po sa fidar da la APUC. Tar nus n'è betg in di sco l'auter. En il team interdisciplinar concepin nus activamain in avegnir segir per persunas creschidas, famiglias, uffants e giuvenils cun basegn da protecziun.
Per il 1. d'october 2025 u tenor cunvegna tschertgain nus ina commembra u in commember APUC per la APUC Grischun, filiala Grischun dal Nord.
Voss champ d'incumbensas
- Elavurar decisiuns entaifer il collegi giuditgant interdisciplinar e surpigliar la cunresponsabladad per ordinar e per adattar las mesiras da la protecziun d'uffants e da creschids
- Manar las proceduras attribuidas sco er rediger ed elavurar las decisiuns respectivas
- Giuditgar giuridicamain dumondas dal dretg da procedura e dal dretg material e garantir ch'il dretg vegnia applitgà correctamain
- Far agens scleriments e surdar incumbensas da scleriment
- Tadlar persunalmain persunas che basegnan protecziun ed ulteriuras persunas participadas
- Cussegliar ed accumpagnar procuraturas e procuraturs
- Collavurar cun vischnancas e cun instituziuns e posts spezialisads externs
- Collavurar tar l'ulteriur svilup da l'organisaziun existenta e dals standards specifics
Quai che nus giavischain da Vus
- Diplom d'ina universitad u d'ina scola auta u scolaziun equivalenta, da preferenza en ils secturs giurisprudenza u en lavur sociala, pedagogia, psicologia u psichiatria
- Experientscha professiunala da plirs onns en la lavur sociala legala, da preferenza en il sectur da la protecziun d'uffants e da persunas creschidas d'ina APUC u d'ina curatella professiunala, tar ina dretgira u tar ina procura per giuvenils
- Fitg bunas enconuschientschas a bucca ed en scrit dal tudestg
- Grond plaschair da lavurar en in team
- Gronda cumpetenza sociala e communicativa sco er empatia envers persunas en situaziuns da vita difficilas
- Flexibilitad, ina gronda abilitad da supportar squitsch e forza da decider er en situaziuns difficilas
- Ina moda da lavurar exacta ed independenta sco er in grond senn da responsabladad
- Fitg bunas abilitads da s'exprimer linguisticamain sco er bunas enconuschientschas d'utilisar ils programs da Microsoft Office
- Prontezza da far servetsch da pichet
- Permiss da manischar da la categoria B
Nus ans legrain da Vossa annunzia online e da far Vossa enconuschientscha.