Ensemen per il Grischun
L'unic chantun triling da la Svizra è in chantun multifar tant en quai che reguarda l'economia sco er la cultura e la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribuescha tias abilitads singularas e concepescha ensemen cun nus l'avegnir da l'administraziun chantunala dal Grischun.
L'Uffizi da guaud e privels da la natira (UGP) è il post spezialisà dal chantun per il guaud e per la protecziun cunter privels da la natira. Las collavuraturas ed ils collavuraturs dal UGP s'engaschan per ils basegns da la societad envers il guaud e garanteschan, ch'il guaud vegnia tractà en moda persistenta.
Ti procuras ch'il guaud grischun
- possia proteger ils umans, ils animals e l'infrastructura,
- saja il spazi da viver da bleras differentas spezias d'animals e da plantas,
- saja il furnitur da materia prima, sco lain, aua ed energia,
- possia esser vinavant in spazi da recreaziun e da temp liber per ils umans.
Per il sectur Servetschs centrals tschertgain nus per il 1. da settember 2025 u tenor cunvegna ina persuna responsabla per l'administraziun, IT/logistica e lavur da publicitad (60–80 %) cun funcziun da substituir il manader dal sectur Servetschs centrals.
Tes champ d'incumbensas
- Ti surpiglias la direcziun professiunala e persunala dals secturs d'incumbensas administraziun, IT/logistica e lavur da publicitad
- Ti elavuras la nova strategia per la lavur da publicitad da l'uffizi ed implementeschas quella
- Ensemen cun tes team has ti la responsabladad per differents interessants projects dad IT
- Tut tenor profil ed interess pos ti er surpigliar incumbensas dal sectur specific SIG/geoinformatica
- Ti surpiglias la substituziun dal manader dal sectur Servetschs centrals
Quai spetgain nus da tai
- Diplom d'ina scola auta u d'ina scola auta spezialisada ubain scolaziuns sumegliantas
- Experientscha da manar glieud sco er experientscha professiunala en ina posiziun sumeglianta
- Persuna averta, abla da lavurar en in team e fitg communicativa cun ina moda da pensar cumplessiva ed ina moda da lavurar orientada als servetschs
- Experientscha cun la software CMI, che vegn duvrada entaifer il chantun e know-how dad SIG, sco er enconuschientschas davart temas da guaud e privels da la natira èn d'avantatg
- Fitg bunas enconuschientschas dal tudestg a bucca ed en scrit, enconuschientschas dal rumantsch e/u dal talian èn d'avantatg
Nus ans legrain da tia annunzia online e d'emprender d'enconuscher tai.