Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Plantahof è in post da servetsch dal Departament d'economia publica e fatgs socials ed il center da cumpetenza per la furmaziun e la cussegliaziun agricula en il chantun Grischun. Ultra da la scola professiunala spezialisada d'agricultura porscha il Plantahof diversas scolaziuns da cuntinuaziun, curs da perfecziunament e dietas. Plinavant è el cumpetent per la cussegliaziun e l'intermediaziun cumplessiva da savida spezialisada a favur dals manaschis agriculs e dals manaschis d'alp dal Grischun e d'ulteriurs circuls che han in connex cun temas da l'agricultura. Per quests intents maina el er in agen bain puril d'emprova en quatter differents lieus, inclusiv duas butias dal bain puril. La finala dispona el er d'in center da dietas cun internat, auditori e manaschi d'alimentaziun.
Per il 1. da settember 2025 u tenor cunvegna tschertgain nus ina collavuratura u in collavuratur per il support dad ICT.
Voss champ d'incumbensas
- Porscher sustegn en il support da clients (Microsoft 365, Windows) sco er elavurar dumondas da las utilisadras e dals utilisaders davart applicaziuns e davart products da Microsoft Office en il support da l'emprim nivel
- Collavurar en projects parzials dad ICT (migraziuns, scolaziuns internas)
- Gidar en l'administraziun e support da clients dals conturns da la scola
- Far la triascha da dumondas da support e far reparaturas sco er lavurs da mantegniment vi d'apparats periferics dad ICT
- Sustegnair las collavuraturas ed ils collavuraturs e las persunas d'instrucziun a la plazza da lavur sco er gidar en cas da problems tecnics en il mintgadi da scola e da biro
- Documentar process da support sco er tgirar ed actualisar l'inventari dad ICT
- Sustegnair l'endrizzament e l'assistenza d'apparats mobils (p.ex. notebooks, tablets)
- Assister e tgirar la pagina d'internet dal Plantahof
Quai che nus giavischain da Vus
- Scolaziun da basa tecnica u commerziala (informaticra/informaticher AFQ cun furmaziun supplementara en il sectur dad IT (supportra u supporter dad ICT SIZ)
- Emprimas experientschas professiunalas en il support dad IT u en il service desk
- Chapientscha tecnica per soluziuns dad IT en ils conturns da scola e da Microsoft Office
- Experientscha d'ir enturn cun Microsoft 365 (incl. Teams, OneDrive, Outlook)
- Bunas enconuschientschas da sistems operativs da Windows
- Abilitad da lavurar en in team, fidadadad e plaschair d'ir enturn cun las utilisadras ed ils utilisaders
- Moda da lavurar independenta, structurada ed orientada a soluziuns
- La lingua da lavur generala è tudestg Enconuschientschas d'ina ulteriura lingua chantunala èn d'avantatg
- Prontezza da frequentar furmaziuns supplementaras cuntinuantas en il sectur dad IT
Nus ans legrain da Vossa annunzia online e da far Vossa enconuschientscha.