Ensemen per il Grischun
L'unic chantun triling da la Svizra è in chantun multifar tant en quai che reguarda l'economia sco er la cultura e la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribuescha tias abilitads singularas e concepescha ensemen cun nus l'avegnir da l'administraziun chantunala dal Grischun.
Es ti pronta u pront da gidar a sviluppar la transfurmaziun digitala? Sco center da servetschs e da cumpetenzas per IT da l'administraziun chantunala dal Grischun sustegnain nus nossa clientella interna cun ina infrastructura da basa segira e cun applicaziuns progressivas. Ensemen cun tai faschain nus avanzar la transfurmaziun digitala dal chantun Grischun.
Nus sco Uffizi d'informatica tschertgain perquai per immediat u tenor cunvegna ina collavuratura commerziala u in collavuratur commerzial.
Tes champ d'incumbensas
- En moda rutinada sustegnas ti nus tar lavurs administrativas
- Ti surpiglias lavurs da communicaziun che sa repetan ed ans gidas d'actualisar noss intranet
- Ti mainas la correspundenza cun gruppas d'interess internas ed externas
- Ti collavuras en l'administraziun dal persunal e surpiglias lavurs dals secturs d'acquisiziun e da contracts
Quai giavischain nus da tai
- Scolaziun commerziala terminada ed experientscha professiunala da plirs onns
- Senn per la digitalitad e bunas enconuschientschas dals programs usitads dad Office
- Persunalitad averta, interessada che ha plaschair da novas incumbensas
- Moda da lavurar fidada, precisa ed independenta – er en cas da lavurs che sa repetan
- Plaschair da communitgar, moda da lavurar structurada ed affinitad per la IT
- Sauna perseveranza ed in stil da communitgar segir en tudestg
Nus ans legrain da tia annunzia online e d'emprender d'enconuscher tai.