Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per l'execuziun giudiziala dal Grischun (UEG) è in post da servetsch dal Departament da giustia, segirezza e sanadad dal chantun Grischun. El è responsabel per l'execuziun da las sancziuns penalas e per la realisaziun da differentas furmas d'arrest. Plinavant è il post da servetsch cumpetent per l'assistenza sociala e da reabilitaziun da las persunas collocadas durant il temp da lur procedura penala.
I spetga Vus ina plazza concepida da nov cun in champ d'incumbensas pretensius e multifar en in ambient dinamic da l'execuziun giudiziala. Voss champ d'activitad futur As porscha la pussaivladad da gidar a furmar, a realisar ed a sviluppar vinavant l'organisaziun en moda decisiva.
Rinforzai noss team per immediat u tenor cunvegna sco manadra u manader da la communicaziun
Voss champ d'incumbensas
- En collavuraziun cun las direcziuns dals stabiliments giudizials Cazas Tignez e Realta, cun il Servetsch d'execuziun e d'assistenza da reabilitaziun sco er cun ils servetschs da stab coordinais Vus la communicaziun interna ed externa dal post da servetsch
- Cun Vossa lavur promovais Vus la confidenza en nossas instituziuns e sustegnais las finamiras dal UEG
- Vus gidais ad intermediar sistematicamain infurmaziuns e novitads ed a mantegnair in'apparientscha unitara
- Ensemen cun las persunas responsablas da las instituziuns scrivais, concepis e coordinais Vus ils cuntegns da la communicaziun
- Il diever da medias classicas e digitalas planisais Vus en moda cumplessiva e garantis uschia ina communicaziun orientada a las finamiras, sur tut ils chanals
- Vus scrivais communicaziuns a las medias ed elavurais dumondas da las redacziuns, iniziais ed accumpagnais projects da communicaziun
Quai che nus giavischain da Vus
- Vus avais terminà in studi da scola auta en il sectur da la communicaziun ubain in sectur specific parentà sco marketing u medias
- Vus lavurais cun meds da communicaziun classics e digitals e savais, co ch'ins fa lavur da medias cun success
- Vus essas versada u versà cun la planisaziun, la realisaziun e la direcziun da cuntegns da text e da maletgs
- Vossas experientschas en il sectur dal management da projects As gidan da concepir las mesiras da communicaziun en moda sistematica ed effectiva
- Ina fitg buna expressiun a bucca ed en scrit, ina moda d'agir independenta e structurada, l'abilitad da lavurar en in team ed in pensar orientà als servetschs As distinguan
Nus ans legrain da Vossa annunzia online e da far Vossa enconuschientscha.