Ensemen per il Grischun
L'unic chantun triling da la Svizra è in chantun multifar tant en quai che reguarda l'economia sco er la cultura e la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribuescha tias abilitads singularas e concepescha ensemen cun nus l'avegnir da l'administraziun chantunala dal Grischun.
Sco center da cumpetenzas da HR realisescha l'Uffizi da persunal incumbensas strategicas ed operativas per l'entira administraziun chantunala dal Grischun. Nus contribuin al fatg, ch'il chantun Grischun è in patrun attractiv e progressiv.
Per rinforzar noss team tschertgain nus per il 1. d'october 2025 u tenor cunvegna in'assistenta u in assistent da la direcziun da l'uffizi.
Tes champ d'incumbensas
- Liquidar lavurs administrativas ed organisatoricas da la direcziun da l'uffizi (p.ex. coordinaziun dals termins, gestiun da las fatschentas)
- Sustegnair il punct da contact tranter il manader da l'uffizi, las manadras ed ils manaders da las partiziuns sco er las collavuraturas ed ils collavuraturs da l'Uffizi da persunal (p.ex. organisaziun dal servetsch da telefon, posta)
- Preparar ed elavurar posteriuramain las sesidas da la direcziun da l'uffizi sco er ulteriuras sesidas, incl. protocollaziun
- Far evaluaziuns e preschentaziuns
- Organisar eveniments (excursiun da team, tschaina da Nadal)
- Collavurar en gruppas da lavur ed en projects
Quai giavischain nus da tai
- Terminà ina furmaziun professiunala da basa sco commerzianta u commerziant AFQ cun intgins onns experientscha professiunala en ina funcziun cumparegliabla
- Persuna flexibla, discreta e da buna luna, ch'è abla da lavurar en in team, ch'è orientada als servetschs e che lavura en moda independenta, exacta, proactiva e fidada
- Affinitad per il mund digital, en spezial enconuschientschas da Microsoft Office e d'applicaziuns spezialas
- In stil segir en tudestg, enconuschientschas d'ina segunda lingua uffiziala èn d'avantatg
Nus ans legrain da tia annunzia online e d'emprender d'enconuscher tai.