Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da construcziun bassa è cumpetent per la projectaziun, per la construcziun, per il mantegniment e per la gestiun da las vias chantunalas sco er per la correcziun dals curs d'aua e per il traffic betg motorisà en il Grischun. Plinavant ans occupain nus dal mantegniment funcziunal da las vias naziunalas sin il territori chantunal. L'infrastructura da las vias chantunalas cumpiglia passa 1450 construcziuns artifizialas, tranter auter punts d'ina autezza considerabla da fin 90 meters e tunnels d'ina lunghezza da fin 3 kilometers. Las sfidas da la natira che resultan la stad e l'enviern en noss chantun da muntogna, rendan nossa lavur pretensiusa e multifara. Sco uffizi certifitgà cun «Friendly Work Space» ans stattan la sanadad e la cuntentientscha da nossas var 480 collavuraturas e collavuraturs tut spezialmain a cor. Per quest motiv ans engaschain nus per in management da sanadad sistematic en il manaschi (MSM).
Nus tschertgain per la partiziun Mantegniment da las vias en il district 3 Samedan per il 1. d'october 2025 u tenor cunvegna ina manadra u in manader da la gestiun Sid.
Voss champ d'incumbensas
- Manar professiunalmain e persunalmain il team Mantegniment funcziunal Sid
- Planisar e realisar il mantegniment funcziunal da las vias chantunalas
- Planisar las acziuns da las trais gruppas da mantegniment cun tut en tut var 20 collavuraturas e collavuraturs, vehichels ed apparats en collavuraziun cun ils trais capolavurers ch'èn suttamess directamain a Vus
- Sustegnair il ressort Construcziun cun incumbensas da manader da construcziun per il mantegniment architectonic da las vias chantunalas
- Far servetsch da pichet sco mainaacziun sco er prontezza da cooperar en il servetsch da lavinas
Quai che nus giavischain da Vus
- Diplom sco poliera u polier ubain sco manadra u manader da construcziun
- Experientscha da plirs onns en ils secturs construcziun da vias u mantegniment da vias
- Experientscha da manar persunas e pensar d'interprendider
- Forza da persvader ed atgna iniziativa
- Gronda autonomia e grond senn da responsabladad
- Bunas enconuschientschas en l'applicaziun dal computer
- Stil segir da s'exprimer en scrit en tudestg
- Enconuschientschas dal talian a bucca ed en scrit, enconuschientschas dal rumantsch èn d'avantatg.
Nus ans legrain da Vossa annunzia online e da far Vossa enconuschientscha.