Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Nus sco center da cumpetenzas HRM ans engaschain tar la Polizia chantunala dal Grischun ensemen cun il cader per appreziar las collavuraturas ed ils collavuraturs existents, per als mantegnair sauns e motivads, per porscher in'assistenza cumplessiva sco er per stgaffir cundiziuns da lavur attractivas e novs models da lavur che vegnan promovids activamain da las persunas superiuras. L'attracziun da la Polizia chantunala dal Grischun per persunas spezialisadas externas duai restar auta, per recrutar permanentamain avunda collavuraturas e collavuraturs qualifitgads. Davart tut las dumondas areguard ils temas da persunal, da scolaziun da basa e da furmaziun supplementara cussegliain nus cun in'experientscha da plirs onns e sustegnain il cader sco er las collavuraturas ed ils collavuraturs en sfidas ed incumbensas che sa refereschan al persunal. Sco center da cumpetenzas garantin nus, ch'ils temas impurtants vegnian planisads, sviluppads vinavant e realisads en moda proactiva.
Nus ans engaschain plainamain per in avegnir prosperaivel – dal tuttafatg en il senn da nossa devisa: «Nus lavurain tar la polizia, perquai che quai va a prà cun nossa vita.»
Noss team sa cumpona da persunas spezialisadas engaschadas. Per ans sustegnair tschertgain nus tenor cunvegna ina persunalitad sco spezialista u spezialist da HRM.
Voss champ d'incumbensas
- Surpigliar la responsabladad per in'elavuraziun specifica senza disturbis en HR, e quai da la recrutaziun fin l'extrada
- Exequir l'administraziun dal persunal, sco p.ex. far contracts da lavur ed attestats sco er tgirar la banca da datas dal persunal
- Elavurar tut las fatschentas e tut ils process da HR en stretga collavuraziun cun las persunalitads directivas responsablas
- Cussegliar las collavuraturas ed ils collavuraturs sco er il cader en fatschentas relevantas per il persunal
- Sviluppar ed implementar strategias e directivas da HRM
- Gidar a sviluppar vinavant servetschs, directivas e reglaments da HR
- Garantir che las prescripziuns legalas en il sectur da HRM vegnian observadas
- Realisar scolaziuns e lavuratoris davart temas da HRM
- Collavurar en projects da HRM e manar tals
Quai che nus giavischain da Vus
- Scolaziun commerziala da basa terminada e cumplettada cun ina furmaziun supplementara specifica en il sectur da HR u en scolaziun latiers
- Experientscha da plirs onns en il sectur da HRM, en il cas ideal en ina posiziun sumeglianta
- Fitg bunas enconuschientschas dal computer
- Gronda atgna motivaziun e dun organisatoric
- Abilitads analiticas excellentas e cumpetenzas da schliar problems
- Gronda cumpetenza sociala, flexibilitad ed ina gronda abilitad da supportar squitsch
- Bun dun receptiv, orientaziun a la furniziun da servetschs, discreziun
- Cumpetenzas excellentas da communicaziun ed abilitad da lavurar en in team
Nus ans legrain da Vossa annunzia online e da far Vossa enconuschientscha.