Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Plantahof è in post da servetsch dal Departament d'economia publica e fatgs socials ed il center da cumpetenza per la furmaziun e la cussegliaziun agricula en il chantun Grischun. Ultra da la scola professiunala spezialisada d'agricultura porscha il Plantahof diversas scolaziuns da cuntinuaziun, curs da perfecziunament e dietas. Plinavant è el cumpetent per la cussegliaziun e l'intermediaziun cumplessiva da savida spezialisada a favur dals manaschis agriculs e dals manaschis d'alp dal Grischun e d'ulteriurs circuls che han in connex cun temas da l'agricultura. Per quests intents maina el er in agen bain puril d'emprova en quatter differents lieus, inclusiv duas butias dal bain puril. La finala dispona el er d'in center da dietas cun internat, auditori e manaschi d'alimentaziun.
Nus tschertgain per immediat u tenor cunvegna ina cuschiniera u in cuschinier.
Voss champ d'incumbensas
- Preparar pasts per fin 360 persunas
- Gidar en il service d'ensolver, da gentar e da tschaina
- Substituir il schef da cuschina cura ch'el è absent
- Contribuir a las lavurs da nettegiament en cuschina
Quai che nus giavischain da Vus
- Scolaziun terminada sco cuschiniera u cuschinier AFQ
- Passiun e fascinaziun visibla da cuschinar
- Moda da lavurar independenta e netta tenor auts standards da qualitad e d'igiena
- Abilitad da lavurar en in team sco er persunalitad positiva ed engaschada
- Prontezza da far servetsch da fin d'emna
- Bunas enconuschientschas a bucca ed en scrit dal tudestg
Nus ans legrain da Vossa annunzia online e da far Vossa enconuschientscha.