Cussegliadra u cussegliader da persunal per il management da conflicts

L'unic chantun triling da la Svizra è in chantun multifar tant en quai che reguarda l'economia sco er la cultura e la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribuescha tias abilitads singularas e concepescha ensemen cun nus l'avegnir da l'administraziun chantunala dal Grischun.

Sco center da cumpetenzas realisescha l'Uffizi da persunal incumbensas strategicas ed operativas da HR per l'entira administraziun chantunala dal Grischun e promova il chantun Grischun sco patrun attractiv e modern. En nossa partiziun Management da persunal, sectur specific Management da conflicts, vegnan per l'ina elavuradas, implementadas e sviluppadas vinavant las basas pertutgant il tema violaziun da l'integritad persunala a la plazza da lavur, incl. management da conflicts, per l'administraziun chantunala dal Grischun Per l'autra vegnan tut ils departaments e posts da servetsch cussegliads en chaussa ed accumpagnads professiunalmain en il rom d'inquisiziuns internas en cas d'incunvegnientschas en il sectur dal persunal.

Vuls ti applitgar tias abilitads organisatoricas e communicativas en in context interdisciplinar, per cussegliar ed accumpagnar il cader sco er las collavuraturas ed ils collavuraturs da l'administraziun chantunala dal Grischun? Alura es ti la dretga persuna per nus! Per engrondir noss team tschertgain nus per immediat u tenor cunvegna ina cussegliadra u in cussegliader da persunal per il management da conflicts.