Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Servetsch psicologic da scola è ina partiziun da l'Uffizi per la scola populara ed il sport dal Grischun. Nus sustegnain uffants e giuvenils sin lur via da furmaziun.
Per ils posts regiunals Tavau e Landquart tschertgain nus per il 1. da settember 2025 fin la fin da fanadur 2026 ina psicologa u in psicolog d'assistenza per la scola.
Nus purschain in ambient da lavur avert e modern sco er uras da lavur flexiblas. Vus survegnis ina introducziun pratica ed il sustegn da las psicologas e dals psicologs da scola regiunals. Plinavant As participais Vus a la supervisiun interna, a dietas da team ed a furmaziuns supplementaras.
Voss champ d'incumbensas
- Scleriment e cussegliaziun en cas d'uffants e da giuvenils cun problems d'emprender, da cumportament e da svilup
- Cussegliaziun da scola e d'educaziun per geniturs e per persunas d'instrucziun
- Accumpagnament psicologic e pedagogic d'uffants e da giuvenils
- Collavuraziun cun auters posts spezialisads
Quai che nus giavischain da Vus
- Studi da scola auta terminà en psicologia (licenziat u master)
- Persunalitad communicativa ed engaschada
Nus ans legrain da Vossa annunzia online e da far Vossa enconuschientscha.