Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per rinforzar nossa partiziun Natira e cuntrada tschertgain nus per l'Uffizi per la natira e l'ambient per il 1. da november 2025 u tenor cunvegna ina manadra u in manader da project Legal Compliance en il sectur Natira e cuntrada.
Voss champ d'incumbensas
- Entaifer la partiziun Natira e cuntrada avais Vus la responsabladad per valitar la confurmitad da projects da construcziun e planisaziuns orientadas al project cun las prescripziuns dal dretg federal e chantunal per la protecziun da la natira e la cuntrada (LPNP, LNPGR).
- Vus elavurais posiziuns entaifer l'uffizi per projects cun consequenzas sin projects da protecziun da la LPNP e – sche necessari – As participais Vus ad inspecziuns e discurs.
- Voss champ d'activitad cumpiglia il barat cun persunas privatas, vischnancas, auters posts spezialisads chantunals, er entaifer l'uffizi, sco er cun la Confederaziun en il rom da proceduras da permissiun dal dretg federal sin plaun professiunal.
Quai che nus giavischain da Vus
- Questa activitad premetta d'ina vart ina savida fundada da la scienza natirala e da l'autra vart bunas enconuschientschas da las cundiziuns generalas giuridicas e dals instruments dal dretg da construcziun, da planisaziun e d'ambient, in management effizient da las incumbensas e bunas abilitads da communitgar.
- Vus essas disada u disà da collavurar cun persunas spezialisadas e da nizzegiar effizientamain lur savida per Vossa lavur.
- Questa lavur interessanta e multifara pretenda in studi da las scienzas natiralas en ina scola auta spezialisada u en ina scola auta cun spezialisaziun en il sectur ecologia (p.ex. inschigneria forestala, geografia fisica e chaussas sumegliantas) e bunas enconuschientschas d'applitgar il dretg da planisaziun e d'ambient (en spezial LPT e LPNP) sco er experientschas professiunalas da plirs onns.
- La lingua da lavur è tudestg. Bunas enconuschientschas da pliras linguas chantunalas èn d'avantatg.
- Bunas enconuschientschas d'utilisar il computer As distinguan gist uschia sco Vossa abilitad da lavurar en in team, da supportar squitsch e d'As orientar a soluziuns.
Nus ans legrain da Vossa annunzia online e da far Vossa enconuschientscha.