Ensemen per il Grischun
L'unic chantun triling da la Svizra è in chantun multifar tant en quai che reguarda l'economia sco er la cultura e la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribuescha tias abilitads singularas e concepescha ensemen cun nus l'avegnir da l'administraziun chantunala dal Grischun.
L'Uffizi da guaud e privels da la natira (UGP) è il post spezialisà dal chantun per il guaud e per la protecziun cunter privels da la natira. Las collavuraturas ed ils collavuraturs dal UGP s'engaschan per ils basegns da la societad envers il guaud e garanteschan, ch'il guaud vegnia tractà en moda persistenta. Ellas ed els procuran ch'il guaud grischun
- possia proteger ils umans, ils animals e l'infrastructura,
- saja il spazi da viver da bleras differentas spezias d'animals e da plantas,
- saja il furnitur da materia prima, sco lain, aua ed energia,
- possia esser vinavant in spazi da recreaziun e da temp liber per ils umans.
Per il 1. da settember 2025 u tenor cunvegna tschertgain nus ina inschignera forestala regiunala u in inschigner forestal regiunal (80–100%).
Tes champ d'incumbensas
- Sco part dal team da la regiun forestala Signuradi / Partenz / Tavau t'occupas ti da las vischnancas ch'èn vegnidas attribuidas a tai (Conters, Fideris, Claustra e Küblis).
- En quest connex exequeschas ti la legislaziun forestala federala e chantunala.
- Ti t'engaschas per ils basegns da la societad envers il guaud, cusseglias las proprietarias ed ils proprietaris da guaud e procuras – ensemen cun il servetsch forestal communal – per la cultivaziun persistenta dal guaud cun l'intent da garantir las funcziuns dal guaud.
- Ti sustegnas las spezialistas ed ils spezialists dals secturs spezials en la regiun e surpiglias eventualas incumbensas supplementaras, tut tenor tias cumpetenzas professiunalas.
- Sco spezialista u spezialist per il manaschi forestal mainas ti projects en la regiun e sustegnas la manadra dal sectur Infurmaziun dal guaud tar la realisaziun da las strategias chantunalas.
Quai spetgain nus da tai
- Diplom d'inschignera forestala u inschigner forestal SAS u SPF u master en scienzas da l'ambient e da l'ecologia SPF cun spezialisaziun en management dal guaud e da la cuntrada
- Experientscha ed interess per l'economia forestala e per il sectur dals privels da la natira
- Moda da lavurar iniziativa, fidada ed orientada al team
- Forza da persvader
- Bunas enconuschientschas dal SIG e da la IT
- Fitg bunas enconuschientschas dal tudestg a bucca ed en scrit. Enconuschientschas dal rumantsch e/u dal talian èn d'avantatg
Nus ans legrain da tia annunzia online e d'emprender d'enconuscher tai.