Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi d'energia e da traffic è il center da cumpetenza chantunal per dumondas en ils secturs da l'energia e dal traffic public. En il sectur dal traffic public essan nus cumpetents per la planisaziun strategica e per la coordinaziun vicendaivla da tut il traffic public en il chantun Grischun. Nus coordinain il traffic public da la viafier e dal bus ed essan cumpetents per la planisaziun, per la projectaziun e per la realisaziun da projects a favur d'in traffic public prospectiv. Bunas colliaziuns cun la rait da viafier naziunala ed internaziunala sco er colliaziuns regularas e frequentas en il traffic regiunal e d'aglomeraziun èn d'impurtanza centrala per mantegnair e per sviluppar vinavant il Grischun sco spazi da viver, sco spazi turistic e sco spazi economic.
Per l'Uffizi d'energia e da traffic tschertgain nus per il 1. da settember 2025 u tenor cunvegna ina manadra u in manader da project per l'infrastructura da datas per dal traffic public. La plazza è limitada fin ils 30 da november 2026.
Voss champ d'incumbensas
- Stabilir ina infrastructura da datas per optimar la planisaziun da la purschida en il traffic public
- Evaluar las datas d'utilisaziun per orientar la purschida anc pli fitg als basegns effectivs da la clientella
- Elavurar ina basa chantunala per las datas da mobilitad dal traffic public ch'è cumpatibla cun las prescripziuns ed ils projects naziunals
- Realisar cas d'applicaziun en la planisaziun strategica dal traffic
- Sustegn en projects dal traffic public cun orientaziun a la digitalisaziun e a las datas da mobilitad
Quai che nus giavischain da Vus
- Inschignera u inschigner da traffic resp. informaticra spezialisada u informaticher spezialisà per analisas da datas e process u furmaziun professiunala da basa en l'informatica/planisaziun cun furmaziun supplementara en economia da manaschi
- Interess per il traffic public en il chantun Grischun
- Interess per la collavuraziun interdisciplinara, dun da contractar ed in bun dun per ir enturn cun autoritads, federaziuns e interpresas da transport
- Experientschas en connex cun l'elavuraziun independenta da dumondas concepziunalas
- Fitg bunas enconuschientschas dal tudestg
- Bunas enconuschientschas dal talian èn d'avantatg
Nus ans legrain da Vossa annunzia online e da far Vossa enconuschientscha.