Assistenta u assistent da persunal

L'unic chantun triling da la Svizra è in chantun multifar tant en quai che reguarda l'economia sco er la cultura e la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribuescha tias abilitads singularas e concepescha ensemen cun nus l'avegnir da l'administraziun chantunala dal Grischun.

Sco center da cumpetenzas da HR realisescha l'Uffizi da persunal incumbensas strategicas ed operativas per l'entira administraziun chantunala dal Grischun. Nus contribuin al fatg, ch'il chantun Grischun è in patrun attractiv e progressiv. En nossa partiziun cussegliaziun da persunal vegnan tut ils departaments, ils posts da servetsch, las dretgiras e las instituziuns cussegliadas en moda cumpetenta e sustegnidas administrativamain en connex cun ils temas da las resursas umanas en ils secturs da la recrutaziun, da l'engaschament e dal svilup dal persunal.

Ti vuls mussar tias abilitads organisatoricas per concepir activamain noss process da las resursas umanas? Alura es ti la dretga persuna per nus! Per rinforzar noss team tschertgain nus per il 1. d'october 2025 u tenor cunvegna in'assistenta u in assistent da persunal.