Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per economia e turissem procura per cundiziuns generalas optimalas a favur da l'economia en il chantun Grischun. Cun ina vasta purschida da servetschs accumpogna e sustegna el interpresas, instituziuns da perscrutaziun, destinaziuns, regiuns u vischnancas.
Cun promover projects da l'economia e dal turissem ha el la finamira da rinforzar il Grischun sco plazza economica, da far avanzar innovaziuns, da meglierar la cumpetitivitad dal chantun sco er da stgaffir e da garantir plazzas da lavur. L'uffizi elavura las basas concepziunalas per sviluppar vinavant las cundiziuns generalas da la politica locala e turistica e sustegna – sco one-stop shop – en connex cun giavischs, cun projects d'expansiun u da domiciliaziun e cun activitads d'innovaziun d'interpresas. El las permetta da sa barattar cun las instituziuns da tecnologia e da perscrutaziun relevantas (transfer da savida e da tecnologia). In ulteriur focus metta el sin il svilup dal turissem e da las regiuns. Cun sias retschertgas da datas e cun sias analisas metta l'uffizi plinavant a disposiziun las basas da l'economia publica.
Per il 1. da november 2025 (u tenor cunvegna) tschertgain nus ina manadra u in manader da l'Uffizi per economia e turissem.
Voss champ d'incumbensas
- Manar il post da servetsch cun actualmain 17 collavuraturas e collavuraturs
- Surpigliar la responsabladad organisatorica, spezialisada, persunala e finanziala per il post da servetsch
- Sviluppar vinavant la promoziun chantunala da l'economia, prender mesiras per rinforzar il Grischun sco plazza economica e per intensivar la cumpetitivitad dal chantun sco er il svilup e la promoziun da l'economia locala
- Far valair ils interess da l'economia publica en concepts chantunals ed en strategias chantunalas sco er en gremis naziunals
- Garantir in one-stop shop effizient per las interpresas existentas e novas
- Exequir la Lescha chantunala per il svilup economic, la Nova politica regiunala da la Confederaziun (NPR), ulteriuras mesiras federalas en il chantun ed en la legislaziun, en il sport da muntogna e da naiv sco er metter a disposiziun las basas da l'economia publica
- Tgirar contacts cun l'economia, garantir ina communicaziun interna ed externa confurma als basegns
Quai che nus giavischain da Vus
- Diplom da scola auta (master) ed experientscha professiunala da plirs onns en ina posiziun directiva
- Enconuschientschas solidas da la politica dal lieu, da la concurrenza interchantunala ed internaziunala tranter ils lieus, da la promoziun dal lieu e da l'economia turistica
- Enconuschientschas solidas en il sectur da la promoziun da l'innovaziun, da la politica regiunala e da las relaziuns generalas economicas, politicas e socialas en il Grischun
- Fitg bunas cumpetenzas da manar glieud sco er plaschair da prender decisiuns e da persvader
- Gronda cumpetenza sociala, capacitads analiticas, concepziunalas e communicativas solidas, gronda abilitad da supportar squitsch
- La lingua uffiziala è tudestg. Bunas enconuschientschas d'ina ulteriura lingua chantunala èn giavischadas. Buna abilitad da contractar en englais vegn premessa.
Nus ans legrain da Vossa annunzia online e da far Vossa enconuschientscha.