Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi d'agricultura e da geoinfurmaziun è in post da servetsch dal Departament d'economia publica e fatgs socials. El cumpiglia las quatter partiziuns: Mesiras agriculas, Meglieraziuns da structura, Mesiraziun e Center da cumpetenza dal SIG.
L'administraziun è l'element central per il sustegn da la direcziun da l'uffizi. Sco nova collavuratura u nov collavuratur administrativ sustegnais Vus, ensemen cun in pitschen team, las partiziuns da l'uffizi en lur incumbensas multifaras ed interessantas ed en tut las activitads administrativas.
Nus As purschain ina incumbensa variada e da gronda responsabladad tar l'administraziun chantunala. Vus lavurais en in team cumpetent e motivà ed inscuntrais ina cultura d'interpresa positiva e cun curtas vias da decisiun, ch'è orientada als servetschs ed a las finamiras.
Per l'administraziun da l'Uffizi d'agricultura e da geoinfurmaziun tschertgain nus per il 1. d'october 2025 u tenor cunvegna ina persuna motivada sco secretaria u secretari (60 %).
Voss champ d'incumbensas
- Rediger ed emetter documents da tut las collavuraturas ed ils collavuraturs (correspundenza, disposiziuns, publicaziuns, preschentaziuns, models, manuals, instrucziuns, posiziuns e.u.v. per il diever intern ed extern)
- Tgirar e sviluppar vinavant documents da model e descripziuns da process
- Sustegnair la scolaziun da nossas emprendistas e da noss emprendists commerzials
- Liquidar lavurs generalas da secretariat incl. surpigliar il servetsch da posta e da telefon
- Publitgar lavurs da construcziun sin SIMAP sco er en il Fegl uffizial chantunal ed en ulteriurs fegls uffizials
- Protocollar e publitgar averturas d'offertas sin las plattafurmas respectivas
- Facturaziun
Quai che nus giavischain da Vus
- Scolaziun da commerzianta u commerziant AFQ terminada u scolaziun equivalenta ed emprimas experientschas professiunalas en in secretariat
- Expressiun segira en tudestg a bucca ed en scrit, enconuschientschas d'autras linguas chantunalas èn d'avantatg
- Diever segir da las applicaziuns dad IT actualas ed in'affinitad digitala
- Moda da lavurar structurada, prospectiva, independenta e precisa
- Persunalitad orientada als servetschs ed a las soluziuns cun abilitad da lavurar en in team, prontezza a l'acziun ed atgna iniziativa
- Las uras da lavur vegnan repartidas cun preferenza sin ils lavurdis mesemna, gievgia ed in di a libra tscherna
Nus ans legrain da Vossa annunzia online e da far Vossa enconuschientscha.