Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Departament d'educaziun, cultura e protecziun da l'ambient tschertga ina giurista u in giurist.
Nus As purschain in'activitad giuridica variada ed interessanta en ina pitschen team motivà. Voss plaz da lavur a la Quaderstrasse 17 a Cuira è central ed ha ina buna infrastructura.
Voss champ d'incumbensas
- Tar il Servetsch giuridic surpigliais Vus incumbensas multifaras che concernan l'entir champ da cumpetenza dal Departament d'educaziun, cultura e protecziun da l'ambient.
- Vus instruis proceduras da recurs e redigis las decisiuns respectivas.
- Vus faschais scleriments giuridics e cooperais a proceduras da consultaziun.
- Vus cussegliais e sustegnais ils uffizis dal departament en dumondas giuridicas.
Quai che nus giavischain da Vus
- Per questas incumbensas pretensiusas avais Vus terminà in studi da giurisprudenza e possedais eventualmain la patenta d'advocat.
- En il cas ideal avais Vus gia absolvì praticums giuridics u avais gia experientscha professiunala.
- Bunas abilitads communicativas sco er ina buna expressiun a bucca ed en scrit en tudestg vegnan premessas.
- Enconuschientschas da las ulteriuras linguas chantunalas èn d'avantatg.
- Vus lavurais independentamain ed en moda orientada a soluziuns, surpigliais gugent responsabladad, avais l'abilitad da lavurar en in team e demussais in'auta prontezza da prestaziun.
Nus ans legrain da Vossa annunzia online e da far Vossa enconuschientscha.