Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Plantahof è in post da servetsch dal Departament d'economia publica e fatgs socials ed il center da cumpetenza per la furmaziun e la cussegliaziun agricula en il chantun Grischun. Ultra da la scola professiunala spezialisada d'agricultura porscha il Plantahof diversas scolaziuns cuntinuantas, divers curs da perfecziunament e diversas dietas. Plinavant è el cumpetent per la cussegliaziun e l'intermediaziun cumplessiva da savida spezialisada a favur dals manaschis agriculs e dals manaschis d'alp dal Grischun sco er a favur d'ulteriurs circuls che han in connex cun temas da l'agricultura. Per quests intents maina el er in agen bain puril d'emprova en quatter differents lieus, inclusiv duas butias dal bain puril. La finala dispona el er d'in center da dietas cun internat, auditori e manaschi d'alimentaziun.
Per il 1. d'avust 2025 u tenor cunvegna tschertgain nus ina collavuratura u in collavuratur per la Tegnida da vatgas da latg.
Voss champ d'incumbensas
- Voss champ d'acziun è tar il team da stalla. Il Plantahof posseda ina scossa da muvel brin cun 80 vatgas da latg, arments da tratga e da maz en edifizis d'economia moderns.
- Liquidar tut las lavurs en la stalla da las vatgas da latg
- Tgirar ils animals, trair si ils vadels, pavlar e mulscher independentamain
- Liquidar professiunalmain tut las lavurs che resultan en il champ spezialisà
- Prestar servetschs da fin d'emna en la dimensiun usitada en la branscha
- Opziun: Tut tenor interess lavurais Vus la stad sin il manaschi d'alp e da muntogna a Parpan
Quai che nus giavischain da Vus
- Emprendissadi terminà sco pura u pur AFQ u scolaziun cumparegliabla cun experientscha professiunala respectiva
- Entusiassem ed engaschament per la tegnida e per la tratga da vatgas da latg
- Persunalitad fidada cun in bun spiert da team e cun ina moda da lavurar independenta
- Bunas enconuschientschas dal tudestg
- Permiss da manischar da la categoria B, en il cas ideal cun examen da chars annexs / da manischar plunaders
Nus ans legrain da Vossa annunzia online e da far Vossa enconuschientscha.