Cuminaivlamain per il Grischun
L'unic chantun triling da la Svizra è in chantun multifar en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribuescha tias abilitads singularas e concepescha ensemen cun nus l'avegnir da l'administraziun chantunala dal Grischun.
L'Uffizi per il svilup dal territori dal Grischun (UST) è responsabel per la concepziun persistenta da noss spazi da viver alpin unic. Cun in team engaschà da 35 collavuraturas e collavuraturs ans engaschain nus per trair a niz cun responsabladad il terren ch'è ina resursa stgarsa e per accordar armonicamain in cun l'auter ils interess multifars a noss spazi da viver. Nossa lavur cumpiglia la preparaziun e la realisaziun da la politica da la Regenza concernent l'organisaziun dal territori, l'accumpagnament da planisaziuns localas e regiunalas sco er l'examinaziun da las dumondas da construcziun ordaifer las zonas da construcziun. En nossa lavur dain nus gronda paisa ad ina consideraziun dals interess transparenta ed a la protecziun da nossas basas da viver natiralas.
Per il 1. da settember 2025 u tenor cunvegna tschertgain nus ina manadra u in manader dals Servetschs administrativs.
Tes champ d'incumbensas
En il team da l'administraziun da tschintg persunas sa reuneschan tut las fatschentas da l'uffizi – cun talent organisatoric e cun faible per structuras dumagnain nus las sfidas. Tes champ d'incumbensas è varià, perquai che ti:
- mainas, promovas e sviluppas tes team en moda orientada a las finamiras ed al futur;
- surpiglias la direcziun strategica ed operativa da las finanzas e dal controlling (contabilitad, preventiv, quint annual);
- surpiglias la responsabladad per ina gestiun da las actas effizienta, structurada e confurma a la lescha;
- gidas a lavurar ed es involvì en divers projects interdisciplinars;
- ageschas sco part da la direcziun da l'uffizi e contribueschas al svilup da l'uffizi.
Quai giavischain nus da tai
Per questa posiziun variada e da gronda responsabladad tschertgain nus ina persunalitad communicativa, prospectiva ed analitica cun enconuschientschas fundadas da las finanzas (en il cas ideal ils conturns da l'administraziun publica). Ti persvadas cun tia experientscha da manar persunas, cun tes talent organisatoric e cun il mussament da tia prestaziun en ina funcziun cumparegliabla sco er cun tia scolaziun sin il stgalim terziar. In'affinitad per la IT e per las applicaziuns digitalas en cumbinaziun cun l'abilitad da concepir process en moda effizienta cumpletteschan tes profil. Enconuschientschas d'ulteriuras linguas chantunalas èn in plus.
Pertge che ti duessas vegnir tar nus
Nus ta purschain ina incumbensa da gronda responsabladad en in ambient da lavur dinamic, en il qual ti pos appurtar tias ideas ed il qual ti pos concepir activamain. I ta spetga in team motivà che tegna ensemen e che dumogna cuminaivlamain novas sfidas.
Nus ans legrain da tia annunzia online e d'emprender d'enconuscher tai.