Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Servetsch archeologic s'engascha per il mantegniment e la perscrutaziun dals monuments archeologics chantunals sco er da l'effectiv istoric da la cultura architectonica. D'ina vart fa el exchavaziuns ed analisas architectonicas, da l'autra vart formulescha el posiziuns en il rom da proceduras per la permissiun da construcziun u da la planisaziun dal territori.
Per questas incumbensas tschertgain nus a partir dal 1. d'avust u tenor cunvegna ina collavuratura u in collavuratur per geodatas e planisaziun dal territori.
Voss champ d'incumbensas
- Eruir eventuals conflicts cun la protecziun dals monuments archeologics cun examinar sistematicamain las planisaziuns dal territori e da l'utilisaziun sco er las dumondas da construcziun, incl. formular posiziuns correspundentas
- Tgirar e mantegnair ils models da geodatas archeologics
- Sviluppar vinavant la geoinfrastructura archeologica
- Elavurar geodatas da funtaunas digitalas ed analogas per incumbensaders interns ed externs
Quai che nus giavischain da Vus
- In diplom da bachelor en planisaziun dal territori u archeologia ubain ina scolaziun equivalenta
- Utilisaziun versada da las applicaziuns dal SIG usitadas (QGIS, ArcGIS, PostGIS, FME)
- Moda da lavurar independenta ed entaifer il termin
- Segirezza d'ir enturn cun structuras da datas cumplexas e cun gronds effectivs da datas
- Moda da s'exprimer adattada a las adressatas ed als adressats a bucca ed en scrit
- Enconuschientschas d'ina segunda ed eventualmain er d'ina terza lingua chantunala
Nus ans legrain da Vossa annunzia online e da far Vossa enconuschientscha.