Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Plantahof è in post da servetsch dal Departament d'economia publica e fatgs socials ed il center da cumpetenza per la furmaziun e la cussegliaziun agricula en il chantun Grischun. Ultra da la scola professiunala spezialisada d'agricultura porscha il Plantahof diversas scolaziuns cuntinuantas, curs da perfecziunament e dietas. Plinavant è el cumpetent per la cussegliaziun e l'intermediaziun cumplessiva da savida spezialisada a favur dals manaschis agriculs e dals manaschis d'alp dal Grischun e d'ulteriurs circuls che han in connex cun temas da l'agricultura. Per quests intents maina el er in agen bain puril d'emprova en quatter differents lieus, inclusiv duas butias dal bain puril. La finala dispona el er d'in center da dietas cun internat, auditori e manaschi d'alimentaziun.
Per il 1. d'avust 2025 u tenor cunvegna tschertgain nus ina magistra e cussegliadra u in magister e cussegliader per il sectur specific Tegnida d'animals.
Voss champ d'incumbensas
- Instruir en in team spezialisà e sin tut ils stgalims da la scolaziun agricula
- Collavurar en tut ils secturs da scola
- Cussegliar concernent dumondas agriculas
- Planisar e realisar furmaziuns supplementaras per circuls interessads
- Collavurar en gruppas da lavur dal sectur spezial Tegnida d'animals
Quai che nus giavischain da Vus
- Agronoma u agronom (bachelor u master) en direcziun tegnida d'animals
- Qualificaziun supplementara sco persuna d'instrucziun e da cussegliaziun
- Persunalitad fidada, da buna luna ed abla da lavurar en in team
- Plaschair d'instruir e da lavurar a favur da soluziuns
- Experientscha en ils secturs d'instrucziun, da cussegliaziun e da furmaziun supplementara
- Enconuschientschas d'ina ulteriura lingua chantunala èn giavischadas
Nus ans legrain da Vossa annunzia online e da far Vossa enconuschientscha.