Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Tar l'Uffizi per il svilup dal territori (UST) s'engaschan 35 collavuraturas e collavuraturs per l'utilisaziun progressiva da la resursa stgarsa terren. En noss team motivà As spetga in champ d'incumbensas multifar. Nossa incumbensa principala è quella, da chattar la ballantscha tranter in'utilisaziun effizienta dal territori, la protecziun da las resursas natiralas ed il niz per l'economia publica a lunga vista. En quest connex coordinain nus las pretensiuns multifaras envers il spazi da viver alpin e procurain per ina consideraziun transparenta dals interess.
Per rinforzar noss servetsch giuridic tar il UST tschertgain nus tenor cunvegna ina giurista u in giurist:
Voss champ d'incumbensas
- Cussegliar l'uffizi, en spezial las planisadras ed ils planisaders cirquitals, sco er las vischnancas e las persunas che inoltreschan dumondas da construcziun, e quai en tematicas giuridicas che han in connex cun edifizis e stabiliments ordaifer las zonas da construcziun
- Cooperar activamain a la realisaziun da la revisiun da la LPT 2, cunzunt areguard ils temas polizia da construcziun e premia da demoliziun
- Examinar giuridicamain dumondas da construcziun sco er participar ad inspecziuns ed a discussiuns
- Elavurar consultaziuns e rapports da l'uffizi en proceduras giudizialas
- Examinar disposiziuns da toleranza en il sectur da la polizia da construcziun e giuditgar dumondas da restituziun dals custs da demoliziun en il rom da la LPT 2
Quai che nus giavischain da Vus
- Studi da giurisprudenza terminà (master)
- Praticums giuridics absolvids u emprimas experientschas professiunalas en il dretg da construcziun e da planisaziun ed – en il meglier cas – enconuschientschas dals fatgs da construcziun
- Bunas abilitads communicativas, in stil segir a bucca ed en scrit en talian
- Enconuschientschas dal tudestg ed interess da sviluppar vinavant quellas
- Moda da lavurar independenta, structurada ed orientada a soluziuns
- Persunalitad engaschada cun atgna iniziativa
- Abilitad da lavurar en in team, perseveranza, integritad e flexibilitad
Nus ans legrain da Vossa annunzia online e da far Vossa enconuschientscha.