Cuminaivlamain per il Grischun
L'unic chantun triling da la Svizra è in chantun multifar en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribuescha tias abilitads singularas e concepescha ensemen cun nus l'avegnir da l'administraziun chantunala dal Grischun.
Es ti pronta u pront da gidar a sviluppar la transfurmaziun digitala? Sco center da servetschs e da cumpetenzas per IT da l'administraziun chantunala dal Grischun sustegnain nus nossa clientella interna cun ina infrastructura da basa segira e cun applicaziuns progressivas. Ensemen cun tai faschain nus avanzar la transfurmaziun digitala dal chantun Grischun.
Nus sco Uffizi d'informatica tschertgain perquai per immediat u tenor cunvegna ina spezialista u in spezialist dad ICT-Security.
Tes champ d'incumbensas
- Ti elavuras ils temas multifars dad ICT-Security e sustegnas ils administraturs da sistem
- Ti t'orienteschas a las prescripziuns da segirezza necessarias e realiseschas exactamain las mesiras pretendidas
- Ti analiseschas ed examineschas ils cas da segirezza dad IT e lavuras stretgamain cun las persunas responsablas per il rom spezialisà e per la segirezza
- Ti procuras che nossa infrastructura da basa dad IT funcziunia da tut temp en moda segira ed integreschas tias enconuschientschas en captivants projects innovativs dad ICT
Quai giavischain nus da tai
Ti has terminà ina scolaziun u furmaziun supplementara en informatica ed has gronda experientscha d'ir enturn cun ils temas da segirezza. Sco persunalitad independenta e fidada apprezieschas ti il contact cun la clientella e t'occupas cun quità dals giavischs da quella. Ti pensas en moda analitica, ageschas en moda proactiva ed has ina buna perseveranza. Ina moda da lavurar structurada ed orientada al team sco er bunas enconuschientschas dal tudestg cumpletteschan tes profil.
Nus ans legrain da tia annunzia online e d'emprender d'enconuscher tai.