Ensemen per il Grischun
L'unic chantun triling da la Svizra è in chantun multifar tant en quai che reguarda l'economia sco er la cultura e la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribuescha tias abilitads singularas e concepescha ensemen cun nus l'avegnir da l'administraziun chantunala dal Grischun.
Es ti pronta u pront da gidar a sviluppar la transfurmaziun digitala? Sco center da servetschs e da cumpetenzas per IT da l'administraziun chantunala dal Grischun sustegnain nus nossa clientella interna cun ina infrastructura da basa segira e cun applicaziuns progressivas. Ensemen cun tai faschain nus avanzar la transfurmaziun digitala dal chantun Grischun.
Nus sco Uffizi d'informatica tschertgain per immediat u tenor cunvegna ina spezialista u in spezialist da sistems dad ICT per la gestiun d'applicaziuns.
Tes champ d'incumbensas
- Ti gestiuneschas las applicaziuns spezialas en collavuraziun cun la clientella ed ils furniturs
- Ti planiseschas ed installeschas novas applicaziuns spezialas
- Ti gidas las persunas responsablas per las applicaziuns ad integrar optimalmain lur applicaziuns spezialas
- Ti collavuras a projects da clientella
Quai giavischain nus da tai
- Scolaziun u furmaziun supplementara en informatica ubain experientscha en la gestiun tecnica d'applicaziuns
- Fitg bunas enconuschientschas ed experientscha pratica cun Windows Server
- In pensar cumplessiv ed analitic sco er ina moda da lavurar structurada ed orientada al team
- Buna perseveranza ed ina mentalitad da «hands on» – las sfidas prendas ti per mauns cun plaschair
- La prontezza da far tscherts servetschs ordaifer il temp da lavur regular
- Bunas enconuschientschas a bucca ed en scrit dal tudestg
Nus ans legrain da tia annunzia online e d'emprender d'enconuscher tai.