Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
La partiziun Svilup da l'industria locala tar l'Uffizi per economia e turissem dal Grischun è ina partenaria fidada per interpresas existentas sco er per interpresas che han interess da sa domiciliar en il Grischun. Noss team agescha sco liom tranter l'economia, la politica e l'administraziun e lavura en moda engaschada, orientada a soluziuns e considerond cleramain l'ulteriur svilup strategic dal Grischun sco plazza economica.
As stattan dumondas economicas a cor? Vulais Vus gidar a concepir activamain las cundiziuns generalas per las interpresas e represchentar ils interess dal chantun vers anora? Alura essas Vus la dretga persuna per nus. Rinforzai noss team motivà per immediat u tenor cunvegna sco
Manadra u manader da project Svilup da l'industria locala (80–100 %)
Voss champ d'incumbensas
- Collavurar per posiziunar e per rinforzar il chantun Grischun sco buna plazza economica e sco lieu d'abitar e d'innovaziun attractiv
- Planisar e realisar activitads da promoziun e mesiras da communicaziun sin plaun chantunal, naziunal ed internaziunal
- Tgirar e sviluppar vinavant ils instruments da promoziun ed ils chanals da communicaziun (p.ex. internet, medias socialas, stampa, occurrenzas)
- Collavurar per preparar e per realisar projects che servan a sviluppar l'economia locala e projects d'innovaziun
- Esser la persuna da contact per interpresas e per ulteriuras gruppas d'interess da l'economia, da l'administraziun e da la politica (princip: spurtegl unic)
- Tgirar ed amplifitgar partenadis cun ils associads da promoziun chantunals e naziunals sco er cun ulteriuras organisaziuns e cun ulteriurs posts spezialisads
Quai che nus giavischain da Vus
- Diplom da scola auta, p.ex. en economia, scienzas da las medias u communicaziun (mintgamai cun enconuschientschas fundadas dals connexs economics)
- Emprimas experientschas professiunalas en il sectur da l'economia, da l'administraziun u d'in ambient economic (internaziunal)
- Emprimas experientschas en il management da projects ed enconuschientschas da basa da la planisaziun, da la coordinaziun e da la realisaziun da projects
- Grond interess per temas da l'economia publica sco er dals eveniments economics e politics dal chantun Grischun
- La lingua da lavur è tudestg. Fitg bunas enconuschientschas da l'englais vegnan premessas. Enconuschientschas dal talian èn d'avantatg.
- Vus lavurais independentamain, tenor las finamiras e gugent en in team. Vossa moda da pensar innovativa e Vossa demananza segira cumpletteschan Voss profil.
Nus ans legrain da Vossa annunzia online e da far Vossa enconuschientscha.