Cuminaivlamain per il Grischun
L'unic chantun triling da la Svizra è in chantun multifar en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribuescha tias abilitads singularas e concepescha ensemen cun nus l'avegnir da l'administraziun chantunala dal Grischun.
L'Uffizi per il svilup dal territori dal Grischun (UST) è responsabel per la concepziun persistenta da noss spazi da viver alpin unic. Cun in team engaschà da 35 collavuraturas e collavuraturs ans engaschain nus per trair a niz cun responsabladad il terren ch'è ina resursa stgarsa e per accordar armonicamain in cun l'auter ils interess multifars a noss spazi da viver. Nossa lavur cumpiglia la preparaziun e la realisaziun da la politica da la Regenza concernent l'organisaziun dal territori, l'accumpagnament da planisaziuns localas e regiunalas sco er l'examinaziun da las dumondas da construcziun ordaifer las zonas da construcziun. En nossa lavur dain nus gronda paisa ad ina consideraziun dals interess transparenta ed a la protecziun da nossas basas da viver natiralas.
L'administraziun dal UST tschertga per il november 2025 u tenor cunvegna in'assistenta u in assistent d'administraziun:
Tes champ d'incumbensas
Ti es responsabla u responsabel per garantir autonomamain in'execuziun da las lavurs administrativas cumpetenta ed a temp. Ti liquideschas incumbensas variadas, sco reglar divers process en la software CMI dal chantun, registrar las dumondas da construcziun (ordaifer la zona da construcziun) cun agid dal sistem d'infurmaziun geografica, registrar l'entrada e la sortida da la posta digitala, surpigliar il servetsch da telefon sco er sustegnair las partiziuns dal post da servetsch en differentas lavurs administrativas.
Quai giavischain nus da tai
- Emprendissadi terminà sco commerzianta u commerziant AFQ
- Diever segir da las applicaziuns dad IT actualas ed in'affinitad digitala
- Demananza orientada als servetschs ed amicabla
- Plaschair da collavurar cun nossas partiziuns, cun petentas e petents, cun vischnancas e cun ulteriurs partenaris externs
- Moda da lavurar independenta e structurada e pensar proactiv
- Buna expressiun a bucca ed en scrit per tudestg ed en il cas ideal er per talian
Nus ans legrain da tia annunzia online e d'emprender d'enconuscher tai.