Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da chatscha e pestga è cumpetent per las populaziuns da selvaschina e da peschs sco er per lur spazis da viver en il chantun Grischun. Bleras spezias sco la giaglina selvadia, la giaglina da draussa, la pernisch da gonda, il cot da matg ed il rivaun cumin han territoris da derasaziun principals en il Grischun. Ils ultims onns èn animals da rapina gronds sco il luf ed il luf-tscherver u temporarmain er l'urs, puspè immigrads en il Grischun.
Sco guardiaselvaschina lavurais Vus sut l'instrucziun dal schef districtual dals guardiaselvaschina ed ademplis funcziuns da la tgira, da la planisaziun da chatscha, da l'economia da pestga sco er da la polizia da chatscha e da pestga. Il territori d'acziun previs e sias auas enconuschais Vus bain.
Per il 1. da november 2025 u tenor cunvegna tschertgain nus ina u in guardiaselvaschina.
Voss champ d'incumbensas
- Survegliar las populaziuns da selvaschina e da peschs sco er lur spazis da viver sin il territori communal da Bregaglia (Malögia–Segl)
- Far il monitoring da las differentas spezias d'animals selvadis
- Sustegnair las lavurs administrativas en il district
Quai che nus giavischain da Vus
- Emprendissadi terminà
- Persuna corporalmain fitta
- Experientschas praticas d'ir a chatscha ed a pestga en il chantun Grischun
- Enconuschientschas da las spezias d'animals selvadis e da peschs sco er da lur spazis da viver
- Abilitads da sajettar
- Moda da lavurar independenta e cun senn da responsabladad
- Bunas abilitads communicativas
- Prontezza da far servetsch da pichet
- Permiss da manischar da la categoria B
- Cumplenì 20 onns
- Discurrer e scriver currentamain tudestg
- Bunas enconuschientschas en l'applicaziun dal computer
Nus ans legrain da Vossa annunzia online e da far Vossa enconuschientscha.