Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per la furmaziun professiunala (UCFP) è in post da servetsch dal Departament d'educaziun, cultura e protecziun da l'ambient (DECA) e realisescha las incumbensas da la politica da furmaziun da la Confederaziun e dals chantuns concernent la furmaziun professiunala da basa. Plinavant è l'uffizi il post da cumpetenza en dumondas da la tscherna da professiun, da scola e da studi sco er l'instanza che accumpogna durant l'entira carriera professiunala.
Per il 1. d'avust 2025 u tenor cunvegna tschertgain nus in'assistenta u in assistent da la direcziun.
Voss champ d'incumbensas
- Liquidar tut las lavurs administrativas ed organisatoricas dal manader da l'uffizi e per part da las partiziuns (p.ex. organisar e coordinar occurrenzas e termins; rediger la correspundenza generala, administrar las fatschentas en l'applicaziun CMI sco er preparar, surdar e trametter disposiziuns)
- Preparar ed elavurar posteriuramain las sesidas da la direcziun sco er d'ulteriuras sesidas incl. protocollaziun
- Esser l'emprima persuna da contact per tut ils temas relevants per il persunal sco er exequir tut ils process da HR entaifer l'uffizi (p.ex. infurmaziuns generalas, persuna da contact tar l'Uffizi da persunal, administraziun da las plazzas, recrutaziun da persunal, extradas ed incumbensas durant la relaziun da lavur sco p.ex. deliberaziun da furmaziuns supplementaras)
- Ademplir incumbensas coordinativas cun il Secretariat dal departament sco er cun differents uffizis interdisciplinars (p.ex. Uffizi da construcziun auta, Uffizi da persunal)
- Collavurar en gruppas da lavur ed en projects (p.ex. egual21)
- Surpigliar la substituziun da la supportra u dal supporter dad ICT
Quai che nus giavischain da Vus
- Almain ina scolaziun professiunala da basa terminada sco commerzianta u commerziant AFQ cun intgins onns experientscha professiunala en ina funcziun cumparegliabla ed ina furmaziun supplementara sin il stgalim terziar en economia da manaschi e/u en fatgs da persunal
- Ina persunalitad flexibla, gentila e discreta ch'è abla da lavurar en in team; che lavura en moda independenta ed è speditiva, attenta, fidada, exacta sco er engaschada ed ha la forza da persvader necessaria
- Gronda affinitad per la IT e bunas enconuschientschas d'utilisar ils programs da computer (p.ex. CMI)
- Enconuschientschas da la furmaziun professiunala da basa èn giavischadas
- In stil segir en tudestg, en il cas ideal enconuschientschas d'ina segunda lingua chantunala (ed eventualmain er da la terza)
Nus ans legrain da Vossa annunzia online e da far Vossa enconuschientscha.