Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Departament da giustia, segirezza e sanadad ademplescha incumbensas multifaras per la populaziun grischuna e cumpiglia otg posts da servetsch sco er il Secretariat dal departament. In da quests posts da servetsch è l'Uffizi per l'execuziun giudiziala (UEG). Il UEG è responsabel per l'execuziun da chastis e da mesiras sco er dals differents geners d'arrest. En il Grischun vegn l'execuziun da chastis e da mesiras pia reglada sco champ tematic unitar e sco incumbensa cumplessiva, nua che differentas gruppas professiunalas lavuran en moda interdisciplinara cun persunas che han commess malfatgs, per impedir ulteriurs acts criminals.
Pervia d'ina planisaziun da successiun tschertgain nus per il 1. da schaner 2026 u tenor cunvegna ina nova manadra u in nov manader da l'Uffizi per l'execuziun giudiziala.
Voss champ d'incumbensas
- Manar l'uffizi sin plaun strategic e persunal
- Coordinar tut las incumbensas surordinadas sco er sviluppar vinavant l'uffizi
- Coordinar e manar differents projects
- Garantir in'execuziun giudiziala confurma a la lescha
- Surpigliar la responsabladad per l'execuziun da la legislaziun federala e chantunala entaifer il champ da cumpetenza
- Dar la scolaziun e furmaziun supplementara professiunala a las collavuraturas ed als collavuraturs
- Surpigliar la responsabladad per far il preventiv e per controllar ils custs
Quai che nus giavischain da Vus
- Diplom da scola auta (master u superiur) sco er scolaziun da manar glieud u da management
- Enconuschientschas dal sectur da l'execuziun giudiziala èn d'avantatg
- Vasta experientscha professiunala en il sectur da l'execuziun giudiziala en posiziuns directivas u en l'administraziun publica
- Experientscha da manar projects cumplexs da plirs onns, en il cas ideal dal management sistematic da midadas ed innovaziuns
- Ferma persunalitad communicativa
- Affinitad digitala sco er pensar progressiv
- Enconuschientschas dal talian e/u dal rumantsch èn d'avantatg
Nus ans legrain da Vossa annunzia online e da far Vossa enconuschientscha.