Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per la scola populara ed il sport (USS) tutga tar il Departament d'educaziun, cultura e protecziun da l'ambient dal chantun Grischun.
La partiziun Inspecturat da scola da l'Uffizi per la scola populara ed il sport tschertga per il 1. da favrer 2026 ina inspectura u in inspectur da scola per l'Inspecturat districtual Plessur-Grischun Central.
Voss champ d'incumbensas
- Collavurar al giudicament ed a la promoziun da las scolas
- Procurar per la cussegliaziun spezialisada en dumondas pedagogicas e didactic-metodicas sco er en dumondas da la planisaziun da scola
- Exequir lavurs da concept e lavurs administrativas
- Evaluar las instituziuns da la scolaziun speziala
Quai che nus giavischain da Vus
- Scolaziun sco persuna d'instrucziun e scolaziuns supplementaras en il sectur pedagogic ed en la furmaziun da persunas creschidas
- Experientscha professiunala en in ambient pedagogic
- Experientscha da manar persunas entaifer u ordaifer la scola
- Cumpetenzas metodologicas en il management da projects ed enconuschientschas dal svilup d'organisaziuns èn d'avantatg
- Abilitad da lavurar en in team, gronda cumpetenza communicativa e sociala, abilitad da supportar squitsch e capacitad da persvader
- Bunas enconuschientschas da l'informatica vegnan premessas
- Buna expressiun a bucca ed en scrit en tudestg
- Bunas enconuschientschas d'ina segunda lingua chantunala èn d'avantatg
Nus ans legrain da Vossa annunzia online e da far Vossa enconuschientscha.