Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per l'execuziun giudiziala dal Grischun (UEG) è in post da servetsch dal Departament da giustia, segirezza e sanadad dal chantun Grischun. Il UEG è responsabel per l'execuziun da chastis e da mesiras sco er dals differents geners d'arrest. En il Grischun vegn l'execuziun da chastis e da mesiras pia reglada sco champ tematic unitar e sco incumbensa cumplessiva, nua che differentas gruppas professiunalas lavuran en moda interdisciplinara cun persunas che han commess malfatgs, per impedir ulteriurs acts criminals.
Il Stabiliment giudizial Realta serva a l'execuziun averta dad umens tenor il Cudesch penal svizzer.
Nus tschertgain tenor cunvegna ina collavuratura u in collavuratur per il servetsch da chasa per ina durada dad 1 onn, cun l'opziun da transfurmar l'engaschament en ina plazza fixa.
Voss champ d'incumbensas
- Manar, assister ed instruir persunas collocadas tenor princips socioprofessiunals
- Promover il svilup professiunal e social da las persunas collocadas
- Cunresponsabladad per il nettegiament da l'infrastructura e per la dismessa ecologica dal rument en il sectur specific sco er per il mantegniment da divers automats da bavrondas
- Tgirar las plantas en ils edifizis
- Sustegn en connex cun il mantegniment dals edifizis (reparaturas, lavurs da mantegniment)
- Cunresponsabladad per in manaschi da lavur reglà ed effizient ed observanza da la segirezza da lavur tenor las directivas da la Cumissiun federala da coordinaziun per la segirezza a la plazza da lavur (CFSL)
- Far servetschs da pichet e da fin d'emna per il Servetsch d'assistenza e da segirezza dal Stabiliment giudizial Realta
Quai che nus giavischain da Vus
- Emprendissadi terminà cun attestat federal da qualificaziun (AFQ) en il nettegiament d'edifizis u en in sectur sumegliant, p.ex. sco pedella u pedel cun certificat federal
- Ina persunalitad equilibrada, flexibla, abla da schliar conflicts sco er da supportar squitsch, cun ina gronda cumpetenza sociala
- Plaschair da lavurar en in team e da collavurar en moda interdisciplinara
- Motivaziun d'instruir e d'assister persunas en lur mintgadi d'execuziun tenor princips socioprofessiunals
- Bun inschign manual
- Buna expressiun en scrit ed a bucca en tudestg, enconuschientschas da linguas estras èn d'avantatg
- Ina conduita irreproschabla sco er il permiss da manischar da la categoria B
Nus ans legrain da Vossa annunzia online e da far Vossa enconuschientscha.