Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per l'execuziun giudiziala dal Grischun (UEG) è in post da servetsch dal Departament da giustia, segirezza e sanadad dal chantun Grischun. Il UEG è responsabel per l'execuziun da chastis e da mesiras sco er dals differents geners d'arrest. En il Grischun vegn l'execuziun da chastis e da mesiras pia reglada sco champ tematic unitar e sco incumbensa cumplessiva, nua che differentas gruppas professiunalas lavuran en moda interdisciplinara cun persunas che han commess malfatgs, per impedir ulteriurs acts criminals.
Il Stabiliment giudizial Realta serva a l'execuziun averta dad umens tenor il Cudesch penal svizzer.
Perquai ch'il titular actual da la plazza vegn pensiunà, tschertgain nus tenor cunvegna ina manadra u in manader da l'ufficina Mastergn Support.
Voss champ d'incumbensas
- Manar, assister ed instruir las persunas collocadas assegnadas, e quai tenor princips da l'accumpagnament socioprofessiunal (incl. qualificaziun, rapports e.u.v.)
- Promover las persunas collocadas en lur svilup professiunal e social
- Collavurar en ils manaschis da mastergn, sco scrinaria, program d'integraziun, plazza da laina e cuschina
- Manar la scrinaria sco er il program d'integraziun durant las absenzas dals manaders (vacanzas/cumpensaziun)
- Generar ed elavurar incumbensas da la clientella
- Liquidar en moda cumpetenta ed entaifer ils termins tut las lavurs che resultan en il champ d'acziun
- Assister la clientella ed ils servetschs da furniziun
- Collavurar stretgamain cun tut ils secturs dal Stabiliment giudizial Realta
- Prestar servetschs da fin d'emna e da pichet en il servetsch d'assistenza e da segirezza dal Stabiliment giudizial Realta
Quai che nus giavischain da Vus
- Emprendissadi terminà sco scrinaria u scrinari ubain sco lainaria u lainari AFQ
- Plirs onns experientscha professiunala ed experientscha da manar persunas
- Motivaziun d'instruir e d'assister persunas en lur mintgadi d'execuziun tenor princips socioprofessiunals
- Experientscha da generar incumbensas e da gudagnar clientella
- Ina persunalitad equilibrada e flexibla cun ina gronda cumpetenza sociala sco er cun l'abilitad da lavurar en in team e da supportar squitsch
- Fitg bunas enconuschientschas dal tudestg, enconuschientschas da linguas estras èn d'avantatg
- Prontezza d'absolver la scolaziun sco spezialista u spezialist per l'execuziun giudiziala
- Ina conduita irreproschabla sco er il permiss da manischar da la categoria B
Nus ans legrain da Vossa annunzia online e da far Vossa enconuschientscha.