Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per industria, mastergn e lavur (UCIML) occupa actualmain var 120 collavuraturas e collavuraturs en sis regiuns dal chantun Grischun. Ultra da l'intermediaziun publica da lavur (CIL) organisain nus mesiras dal martgà da lavur per persunas che tschertgan ina plazza e manain la Cassa chantunala da dischoccupaziun. Plinavant ademplin nus differentas incumbensas en il sectur dal martgà da lavur e da la segirezza a la lavur.
Per la partiziun Cassa da dischoccupaziun dal Grischun tschertgain nus, per il 1. da zercladur 2025 u tenor cunvegna, ina referendaria u in referendari per ils secturs Indemnisaziun per lavur reducida, Indemnisaziun per mal'aura sco er Indemnisaziun per insolvenza (50–100 %).
Voss champ d'incumbensas
- Controllar las dumondas d'indemnisaziun per lavur reducida e per mal'aura inoltradas da patrunas e patruns sco er da lavurantas e lavurants ch'èn pertutgads d'insolvenza
- Calcular sco er pajar ora correctamain e svelt las prestaziuns d'assicuranza
- Cussegliar en moda cumpetenta e servetschaivla nossas gruppas en mira
- Surpigliar incumbensas da sustegn per la contabilitad da la Cassa da dischoccupaziun
- Tut tenor la dimensiun dal pensum e la chargia da lavur vegnan en dumonda activitads en il sectur da l'indemnisaziun da dischoccupaziun
Quai che nus giavischain da Vus
- Emprendissadi commerzial terminà u scolaziun equivalenta terminada cun pratica da plirs onns
- Enconuschientschas dals fatgs da las assicuranzas socialas u prontezza da s'acquistar talas
- Senn per cifras sco er moda da lavurar exacta e structurada
- Vastas enconuschientschas en l'applicaziun dal computer
- Persunalitad cun responsabladad, ch'è abla da supportar squitsch e che lavura independentamain
- Curtaschaivladad e professiunalitad sco er abilitad da declerar fatgs cumplexs en moda simpla e chapaivla
- Flexibilitad e fidadadad sco er abilitad da lavurar en in team
- Bunas enconuschientschas dal tudestg sco er dal talian a bucca ed en scrit vegnan premessas
Nus ans legrain da Vossa annunzia online e da far Vossa enconuschientscha.