Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per industria, mastergn e lavur (UCIML) occupa actualmain var 120 collavuraturas e collavuraturs en sis regiuns dal chantun Grischun. Ultra da l'intermediaziun publica da lavur (CIL) organisain nus mesiras dal martgà da lavur per persunas che tschertgan ina plazza e manain la Cassa chantunala da dischoccupaziun. Plinavant ademplin nus differentas incumbensas en il sectur dal martgà da lavur e da la segirezza a la lavur.
Per la partiziun Inspecturat da lavur a Cuira tschertgain nus per il 1. da settember 2025 u tenor cunvegna ina inspectura u in inspectur da lavur.
Voss champ d'incumbensas
- Inspecziunar manaschis per controllar, ch'els observian las prescripziuns dal dretg da lavur e las prescripziuns relevantas per la segirezza (Lescha da lavur, ordinaziuns, directivas CFSL, controllas MSSL e.u.v.)
- Cussegliar interpresas sco er lavurantas e lavurants en dumondas davart las disposiziuns concernent la lavur ed il paus sco er concernent la protecziun da la sanadad e la segirezza a la lavur
- Documentar e rapportar davart ils resultats da l'inspecziun sco er elavurar mesiras per eliminar mancanzas
- Collavurar cun autras autoritads e cun auters posts chantunals e naziunals
- Elavurar las annunzias da cuntravenziuns cunter la Lescha da lavur
- Cooperar a projects da prevenziun ed a scolaziuns per promover la segirezza a la lavur
Quai che nus giavischain da Vus
- Emprendissadi terminà en industria, mastergn, servetsch u fatgs da sanadad cun experientscha professiunala da plirs onns
- Scolaziun terminada sco spezialista u spezialist SLPS cun attestat professiunal federal
- Enconuschientschas en il sectur da la segirezza a la lavur, protecziun da la sanadad e dretg da lavur
- Experientscha en in'activitad da controlla u d'inspecziun è d'avantatg
- Persunalitad communicativa cun forza da persvader e cun in dun expressiv da contractar
- Moda da lavurar analitica ed orientada a soluziuns
- Buna expressiun en scrit ed a bucca per tudestg e per talian
- Permiss da manischar da la categoria B e prontezza da surpigliar regularmain servetschs externs
Nus ans legrain da Vossa annunzia online e da far Vossa enconuschientscha.