Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da chatscha e pestga è cumpetent per las populaziuns da peschs e da selvaschina sco er per lur spazis da viver en il chantun Grischun. Bleras spezias sco la giaglina selvadia, la giaglina da draussa, la pernisch da gonda, il cot da matg ed il rivaun cumin han territoris da derasaziun principals en il Grischun. Ils ultims onns èn animals da rapina gronds sco il luf ed il luf-tscherver u temporarmain er l'urs, puspè immigrads en il Grischun.
Sco manadra u manader da la partiziun Pestga essas Vus responsabla u responsabel per il management da pestga en il chantun Grischun. En il sectur management dals spazis vitals aquatics garantis Vus – en collavuraziun cun autras partiziuns e cun auters posts spezialisads – ils dretgs dals peschs e dals giombers sco er ils interess da la pestga. Ultra da quai prestais Vus lavur da publicitad e da medias en Voss sectur spezial e tgirais la collavuraziun cun la Federaziun chantunala dals pestgaders grischuns, cun las uniuns da pestgadras e pestgaders affiliadas sco er cun la Cumissiun da pestga.
Per il 1. d'avust 2025 u tenor cunvegna tschertgain nus ina manadra u in manader da la partiziun Pestga.
Voss champ d'incumbensas
- Fixar la strategia da la gestiun da pestga
- Reglar il manaschi da pestga
- Iniziar mesiras per meglierar il spazi da viver
- Accumpagnar la strategia chantunala da revitalisaziun
- Manar e scolar 7 survegliaders da pestga ed in collavuratur academic
- Exequir la legislaziun da las auas e da pestga
- Iniziar e tgirar studis e projects da pestga
- Collavurar en diversas gruppas da lavur e cumissiuns
Quai che nus giavischain da Vus
- Studi da las scienzas natiralas en ina scola auta spezialisada u en ina scola auta
- Emprendissadi pratic cun accent sin il sectur da la biologia da pestga e/u da l'ecologia da las auas
- Pensar che resguarda fitg bain tut ils aspects da l'ecologia sco er enconuschientschas dal sectur management da pestga
- Experientscha da manar persunas
- Buna expressiun en scrit ed a bucca per tudestg e da preferenza er per talian
- Abilitad receptiva e d'emprender
- Dun da contractar e da preschentar
- Moda da lavurar premurusa, flexibla ed independenta
Nus ans legrain da Vossa annunzia online e da far Vossa enconuschientscha.