Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per industria, mastergn e lavur (UCIML) occupa actualmain var 120 collavuraturas e collavuraturs en sis regiuns dal chantun Grischun. Ultra da l'intermediaziun publica da lavur (CIL) organisain nus mesiras dal martgà da lavur per persunas che tschertgan ina plazza e manain la Cassa chantunala da dischoccupaziun. Plinavant ademplin nus differentas incumbensas en il sectur dal martgà da lavur e da la segirezza a la lavur.
Per la partiziun Mesiras per il martgà da lavur tschertgain nus – per reglar la successiun e per organisar da nov in program d'engaschament a Cuira – per il 1. da settember 2025 u tenor cunvegna ina manadra u in manader dal program Integraziun en il mund da lavur.
Voss champ d'incumbensas
- Direcziun generala e svilup strategic dal program d'engaschament
- Direcziun professiunala e persunala da var 10 collavuraturas e collavuraturs en ils secturs jobcoaching e coaching d'annunzias, scolaziun dad ICT ed activitads commerzialas
- Coordinaziun dals singuls secturs dal program e garanzia d'ina collavuraziun effectiva
- Responsabladad per il preventiv e planisaziun da las resursas en collavuraziun cun il manader da partiziun
- Garanzia da cuntanscher las finamiras tras in monitoring e tras in'evaluaziun
- Tgira dals contacts e collavuraziun cun stakeholders relevants (CIL, assicuranza d'invaliditad, servetschs socials, interpresas sco er acturs dal martgà da lavur)
- Concepziun da rapports e da preschentaziuns per gremis interns ed externs
- Assistenza ed accumpagnament da persunas che tschertgan ina plazza sin lur via en l'emprim martgà da lavur
Quai che nus giavischain da Vus
- Diplom d'ina scola auta spezialisada u qualificaziun equivalenta en in sectur social u che sa referescha al martgà da lavur
- Experientscha professiunala da plirs onns en ina funcziun directiva, en il cas ideal en l'integraziun en il martgà da lavur u en la furmaziun da persunas creschidas
- Experientscha da manar projects
- Dun organisatoric, pensar strategic sco er gronda cumpetenza d'innovaziun
- Gronda cumpetenza sociala e sensibilitad en il contact cun differentas gruppas en mira
- Fitg bunas abilitads communicativas
- Orientaziun al team e forza da persvader
- Fitg bunas enconuschientschas dal tudestg
- Applicaziun segira da Microsoft Office sco er da tools digitals
Nus ans legrain da Vossa annunzia online e da far Vossa enconuschientscha.