Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da construcziun bassa è cumpetent per la projectaziun, per la construcziun, per il mantegniment e per la gestiun da las vias chantunalas sco er per la correcziun dals curs d'aua e per il traffic betg motorisà en il Grischun. Plinavant ans occupain nus dal mantegniment funcziunal da las vias naziunalas sin il territori chantunal. L'infrastructura da las vias chantunalas cumpiglia passa 1450 construcziuns artifizialas, tranter auter punts d'ina autezza considerabla da fin 90 meters e tunnels d'ina lunghezza da fin 3 kilometers. Las sfidas da la natira che resultan la stad e l'enviern en noss chantun da muntogna, rendan nossa lavur pretensiusa e multifara. Sco uffizi certifitgà cun «Friendly Work Space» ans stattan la sanadad e la cuntentientscha da nossas var 480 collavuraturas e collavuraturs tut spezialmain a cor. Per quest motiv ans engaschain nus per in management da sanadad sistematic en il manaschi (MSM).
La partiziun Mantegniment da las vias è la pli gronda partiziun da l'Uffizi da construcziun bassa. Per il 1. da zercladur 2025 u tenor cunvegna tschertgain nus ina persuna da cader cun experientscha sco manadra u manader da partiziun.
Voss champ d'incumbensas
- Manar en moda persunala e professiunala la partiziun Mantegniment da las vias cun var 350 collavuraturas e collavuraturs en set districts ed en la secziun Tecnica
- Organisar e realisar in manaschi ed in mantegniment unitar ed adequat sin la rait da vias chantunalas tenor reglas ecologicas ed economicas
- Responsabladad per il manaschi da las vias naziunalas sin il territori chantunal (unitad territoriala V) e per il cumbat cunter donns San Bernardin tenor la cunvegna da prestaziun cun l'Uffizi federal da vias.
- Responsabladad per elavurar projects da renovaziun e da construcziuns novas per las vias da colliaziun sco er per coordinar cun ils posts interns (construcziun da vias, construcziuns artifizialas, acquist da terren e.u.v.) e cun autoritads externas (vischnancas, UNA, UGP, UST e.u.v.)
Quai che nus giavischain da Vus
- Diplom da scola auta (stgalim MSc u BSc) en in sectur spezial tecnic, impressaria u impressari dipl. ubain scolaziun equivalenta
- Plirs onns experientscha da direcziun
- Iniziativa e forza da persvader
- Abilitad da communitgar
- Expressiun segira en tudestg a bucca ed en scrit, enconuschientschas dal talian e/u dal rumantsch èn giavischadas
Nus ans legrain da Vossa annunzia online e da far Vossa enconuschientscha.