Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
La fundaziun Collecziun grischuna d'art decida davart la tgira, l'extensiun, l'emprest e la retschertga da la collecziun d'art grischuna.
Voss champ d'incumbensas
- Vus faschais part dal cussegl da fundaziun che sa cumpona da set commembras e commembers en uffizi d'onur.
- Vus prendais part da las sesidas dal cussegl da fundaziun en il Museum d'art dal Grischun.
- Il cussegl da fundaziun decida davart cumpras, donaziuns ed emprests permanents.
- Il cussegl da fundaziun decida davart emprests d'ovras da la Collecziun grischuna d'art ad autras instituziuns.
- Il cussegl da fundaziun decida davart projects scientifics en il context da la Collecziun grischuna d'art.
Quai che nus giavischain da Vus
- Vus avais interess e plaschair da l'art.
- Vus avais ultra da quai enconuschientschas da l'art en il Grischun.
Nus ans legrain da Vossa annunzia online e da far Vossa enconuschientscha.