Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per l'execuziun giudiziala (UEG) è in post da servetsch dal Departament da giustia, segirezza e sanadad dal chantun Grischun. Il UEG è responsabel per l'execuziun da chastis e da mesiras sco er dals differents geners d'arrest. En il Grischun vegn l'execuziun da chastis e da mesiras pia reglada sco champ tematic unitar e sco incumbensa cumplessiva, nua che differentas gruppas professiunalas lavuran en moda interdisciplinara cun persunas che han commess malfatgs, per impedir ulteriurs acts criminals.
Il Stabiliment giudizial Realta serva a l'execuziun averta dad umens tenor il Cudesch penal svizzer.
Tenor cunvegna tschertgain nus ina manadra u in manader da la mazlaria.
Voss champ d'incumbensas
- Manar, assister ed instruir persunas collocadas tenor princips agogics/socioprofessiunals
- Preparar professiunalmain ils products ed elavurar incumbensas da la clientella
- Preparar il sortiment da charn per la butia dal bain puril
- Controlla e responsabladad per la qualitad dals products sco er per l'observanza dals termins da furniziun
- Cumprar material per la producziun
- Responsabladad per lavurs economicas ed orientadas a las finamiras
- Responsabladad per realisar e per observar las prescripziuns d'igiena
- Gidar a far il preventiv per il sectur specific
- Prestar servetschs da fin d'emna e da pichet en il servetsch d'assistenza e da segirezza dal Stabiliment giudizial Realta
Quai che nus giavischain da Vus
- Emprendissadi terminà (AFQ) sco spezialista u spezialist da products da charn ev. diplom da maistra mazlera u maister mazler
- Experientscha professiunala ed experientscha da direcziun da plirs onns
- Ina persunalitad equilibrada, flexibla, abla da schliar conflicts sco er da supportar squitsch, cun ina gronda cumpetenza sociala
- Plaschair da lavurar en in team e da collavurar en moda interdisciplinara
- Instruir ed assister en moda motivada las persunas en lur mintgadi d'execuziun tenor princips socioprofessiunals
- Prontezza d'absolver la scolaziun sco spezialista u spezialist per l'execuziun giudiziala
- Ina conduita irreproschabla
Nus ans legrain da Vossa annunzia online e da far Vossa enconuschientscha.